Esta web utiliza cookies, puedes ver nuestra la política de cookies, aquí, Si continuas navegando estás aceptándola.
EU | ES
Menu
Logo kaixo.com Logo kaixo.com
Logo bilatu
Logo usuario

Delituek behera egin dute EAEn


2012-02-21 18:45

2011n 85.778 delitu eta falta izan ziren, aurreko urtean baino 7.000 gutxiago. Dena den, hilketek eta emakumeen aurkako indarkeria gora egin dute. Atxiloketak % 2,4 gehiago dira.

2011ko EAEn izandako delitu eta faltak % 2,83 jaitsi ziren aurreko urtearekin alderatuta, eta atxiloketek, aldiz, % 2,4 egin zuten gora, Rodolfo Ares Eusko Jaurlaritzako Herrizaingo sailburuak astearte honetan Eusko Legebiltzarreko Batzordean eman dituen datuen arabera.

2010ean ere jaitsiera erakutsi zuten datuek, eta bi urteko joera honek EAEko hiru lurraldeetan ematen ari den bilakaera baieztatu du, azken bost urteotako etengabeko igoeren aldean. Aresek azpimarratu duenez, Euskadi lurralde segurua da, inguruko herrialdeek erakusten dituzten datuen azpitik.

2011ko datuek, 85.778 delitu eta faltekin, 39,26an kokatzen dute tasa 1.000 biztanleko, oso tasa baxua inguruko herrialdeekin alderatuz. Orain bi urte baino ia 7.000 delitu gutxiago dira.

Bizkaian, 48.915 delitu eta falta erregistratu ziren (42,32 1.000 biztanleko); Gipuzkoan 22.967 (32,37 1.000 biztanleko); eta Araban, 13.836 erregistratu ziren (43,53ko tasa 1.000 biztanleko).

Iaz delitu eta falta gutxiago izan ziren arren, Ertzaintzaren jarduera igo egin zen: %2,4 igo ziren atxiloketak (9.143 izan ziren 2011n).


Hilketak eta indarkeria matxista, gora

Hilketa saiakerek % 20 egin dute gora (49tik 59ra), eta horietatik 12 kasutan burutu zen hilketa erabat. Guztietan ezagutzen da egilea, eta atxilotuta dago, kasu batean izan ezik (ikerketa zabalik dago azken honetan).

2011an, ondarearen kontrako 4.000 delitu eta falta gutxiago izan ziren, 2008ko mailara itzuliz. Lapurretak eta kalte delituak %13 jaitsi ziren (22.860tik 20.214ra eta 3.231tik 3.180ra, hurrenez hurren), eta kategoria hauekin lotutako faltak ere jaitsi egin ziren (31.545etik 30.185era, beraz, %4,5 gutxiago).

Segurtasun kolektiboaren kontrako delituen kasuan, bide-segurtasunarekin erlazionatutako delituek egin dute gora, eta droga-trafikoaren inguruko delituak, berriz, behera.

Ordena publikoaren kontrako delituek ere jaitsiera izan dute.

Aresek azaldu duenez, ETAren indarkeriaren etenari esker, Ertzaintzaren lan prozeduran aldaketak egin ahal izan dituzte. Horrela, ETAk mehatxatutakoei babesa eskaintzen zieten 150 agente emakumeen aurkako indarkeria jaso duten biktimak zaintzen egiten dute lan orain.

Esparru honetan, dena den, delituek % 13, 4 egin dute gora, eta 745 atxiloketa egin behar izan zituen.

Sexu-askatasunaren kontrako delituak ere igo egin dira.


Rodolfo



Más información:Eitb: Delituek behera egin dute EAEn

Visualizada 398 veces
+ Añadir noticia   + Modificar/borrar noticia

Insertar un comentario

Texto:
Usuario: Anónimo
Usuario registrado Antes te tienes que registrar sino serás usuario anónimo
Acepto Aviso legal
Se han encontrado 0 comentarios. Mostrando de 1 a 0

0 comentarios