Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario
+ Blog sarrera berria gehitu
Berriak     Kirolak     Teknologia     Telebista     Kultura     Ekologia     Zinema    

Maddi Oihenar zuberotarrak eta Josetxo Goia nafarrak musika emanaldia eskainiko dute Tolosako Bonborenea aretoan



avatar
Ilhargi-min” izeneko diskoaren aurkezpen kontzertu honetan, textu tradizionalak musika berriekin ala aspaldiko kantuak molde berriz entzungai izango dira



KAIXO.COM/

Maddi Oihenart abeslari zuberotarrak eta Josetxo Goia-Aribe saxofoi jotzaile nafarrak, Juantxo Zeberio tolosar pianistaren laguntzaz Zuberoako kantu tradizionala, jazz eta new age musika nahasten duen emanaldia eskeiniko dute gaur Tolosako Bonberenea aretoan.

“Ilhargi-min” izeneko diskoaren aurkezpen kontzertu honetan, textu tradizionalak musika berriekin ala aspaldiko kantuak molde berriz entzungai izango dira.

Maddi Oihenartek bizitza osoa darama kantuan eta bere ahotsaren arrastoa hainbat diskotan barreiatua utzi du: “Lürralde zilarra”(1998), “Arbaila”(2002), Olatz Zugasti edo Juan Mari Beltranekin kolaborazioak eta abar. Maddiren ahots honezkero ezaguna, Zuberoako klasizismoaren ahots esanguratsuenetarikoa, saxo eta pianoarekin jolas eta elkarrizketan arituko zaigu kontzertuan zehar.

Lan honetan, Maddi-ren aintzinako interpretazio-ondarea errespetatu eta arropa berriekin janzten da.

Hainbat talde eta bakarlarirekin urteetan ibili ondoren, Goia-Ariberen azken urteotako ibilbidean aipagarri dira herri-musika eta jazza uztartzeko ahaleginean grabaturiko hiru diskoak: “Auñamendi”(1996), “Eunate”(1998) eta “Herrimiña”(2000).

Juantxo Zeberiok berriz 2003. urtean kaleratu berri du Hodeiertz abesbatzaren laguntzaz grabaturiko “Umama!” diskoa, eta azken urteotan besteak beste Benito Lertxundi eta Imanolen pianojolea da.

Maddiren kantuak, Zuberoako mendi, harpe eta arbailaren hatsa ekarriko digu barren-barrenera. Goia-Ariberen saxoak, konponketek eta konposizioek eta Zeberioren pianoak egungo moldeetan kulunkatzen dute Maddiren ahots ezti eta sarkorra.

Bai diskoak nahiz zuzeneko emanaldiek kritika eta harrera ezinhobea izan dute entzulego eta prentsaren aldetik.






Noiz:2004-05-07 09:06:48


362 aldiz ikusita
+ Blog sarrera berria gehitu   + Sarrera aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin