Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario
+ Blog sarrera berria gehitu
Berriak     Kirolak     Teknologia     Telebista     Kultura     Ekologia     Zinema    

ETB1ek herrialde ezberdinetan bizi diren euskaldunei buruzko saioa abiatuko du gaur Erroman, “Europa Euskaraz” izenburupean



avatar Kaixo.com
Programa gaueko 22,30ean hasiko da eta Jon Kortazar urretxuar gazteak aurkeztuko du



KAIXO.COM/

“Europa Euskaraz” izenburupean, ETBk Europan zehar bizi diren euskaldunen elkarrizketa saioei ekingo die gaur.

Besteak beste, Berlin, Herbereak, Lisboa, Dublin eta Txekia bisitatuko dute Euskal Telebistaren kamerek. Jon Plazaola gazteak aurkeztuko duen saioa gaur bertan abiatuko da, Erromatik. Hala, Etxegarai Ezpeletako kardinala eta Vatikano irratiko informatibo burua den Inazio Arregik esku hartuko dute aurreneko saio honetan, Alex Mendizabal musikariarekin batera.

Gaueko 22,30etatik aurrera ikusi ahal izango da Europa zehar barreiatuta dauden euskaldunen hitzak jasotzen dituen saioa. Etxegaraik Unescoren Bakearen saria jaso zuen eta ETBren kameren aurrean hitz “hunkigarriak” eskaini dituela adierazi dute programako arduradunek.

Alex Mendizabalek, bestalde, Erroman egin zituen musika ikasketak eta Libia eta New Yorken bizi ondoren, Italiara itzuli zen. Profesioz musikaria donostiarra da, eta musika esperimentala konposatzeaz gainera, soinu tresnak egiten ditu. Siziliako emakume batekin ezkonduta dago eta hiru seme-alaben aita da.
Halaber, 'Associazione Culturale Euskara' elkarteko presidentea da.

Inazio Arregi Vatikano Irratiko informatibo burua da eta Euskadi Irratiak Erroman duen berri-emalea.

Jon Kortazarrek, berriz, 22 urte ditu eta bi urte daramatza Erroman, teologia ikasketak egiten.
Maider Elkoro bergararra okupatutako etxe batean bizi da eta 14urte daramatza Euskal Herritik kanpo. Itzultzailea da eta ingelesa, euskara eta gaztelera eskolak ematen ditu.

Angi Urrutia, bestalde, durangarra da eta 40 urte ditu. 1987an neska erromatar bat ezagutu zuen Mexikon eta bidaiatzen aritu ondoren, Erromara joan zen. Bertan, taberna baten jabea da, “Geroa” izenekoa. Halaber, Jose Cruz Etxezarreta andoaindarrak 30 urte daramatza Erroman. Italiar batekin maitemindu eta 1974tik bizi da bertan, Abelzaintza eta Nekazaritzako Nazio Batuen erakundean lan eginez.
Oñatiko Elisabeth Sainz, ostera, ingelez eta gaztelerazko irakaslea da.

Aurpegi berria

ETBko saio berriko aurkezlea aurpegi ezezaguna da telebista munduan. Izan ere, hauxe da telebistan aurkezle lanetan arituko den aurreneko aldia.

Urretxuarra da, 22 urte ditu eta Arte Ederrak ikasten ditu. ETB1eko “Kuxkuxeroak” saioan aktore aritu zen.



Noiz:2004-05-05 16:21:38


945 aldiz ikusita
+ Blog sarrera berria gehitu   + Sarrera aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin