Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario
+ Blog sarrera berria gehitu
Berriak     Kirolak     Teknologia     Telebista     Kultura     Ekologia     Zinema    

ETB1ek Euskadi Gazteako sariketa ekitaldia emango du gaur, Ilaski Serrano eta Joseina Etxeblogak aurkeztuta



avatar Kaixo.com
Fito & Fitipaldis, Barricada, Rafa Rueda, Kauta, Ana Pozas, Seiurte eta Big Member taldeak entzuteko aukera izango da



Kaixo.com

2004ko Gaztea Sarien jaialdia eskainiko da gaur ETB-1en, 22:30ean. Fito & Fitipaldis, Barricada, Rafa Rueda, Kauta, Ana Pozas, Seiurte eta Big Member taldeen lanak entzuteko aukera izango da Ilaski Serrano eta Joseina Etxeblogak aurkeztutako gala horretan.

Aurtengo sari banaketan Athleticeko neskak, Iban Garate eta Nerea Alias, Julio Medem, Urtz, Kauta, Fito & Fitipaldis, Berri Txarrak, Su ta Gar, Eraso taldea eta Arabako Arazoak elkartea dira garaikurra jaso dutenak.

Musikak tarte nabarmena izan zuen, eta Fito & Fitipaldis saridunen eta Barricada, Rafa Rueda, Kauta, Ana Pozas, Seiurte eta Big Member taldeen lanak entzuteko aukera izan zen.

Zazpigarren urtez banatu ditu Euskadi Gaztea irrati kateak Gaztea Sariak. Bederatzi ataletan banatzen dira Gaztea Sariak, eta bakoitzean hiru pertsona, bikote edo talde proposatu zituzten, entzuleek bat aukera zezaten.

Kirolaria tartean, Txus Jaio gidariaren, Igor Astarloa txirrindulariaren eta Athleticeko nesken artean hautatu behar zen. Athleticeko neskek jaso zituzten boto gehien, eta Anjel Mari Peñagarikano bertsolariaren eskutik hartu zuten saria.

Beti Gazten, berriz, Urtz gailendu zen. Tijuana in Blue eta Martin Fiz ziren beste aukerak, eta Platero y Tu taldeko kideak arduratu ziren saria emateaz.

Plazara sailean, Gorringo taldearen Kutxidazu bidea, Ixabel antzezlana, Julio Medemen Euskal pilota. Larrua harriaren kontra filma eta Lucia Lacarra dantzari zumaiarra ziren proposamenak. Julio Medemen dokumentalak irabazi zuen, eta saria Xabier Euzkitzek eman zion.

Musikaren atalean, Musikan Berria izenekoan, Kauta, Lor eta Kerobia zeuden izendatuta, eta saria Kautakoek jaso zuten, Seiurte taldekoen eskutik.

Kantu Onena tartean, Fito & Fitipaldisen Soldadito marinero kantak jaso zuen boto gehien, eta saria Gatibuko taldekieek eman zioten. Ken 7 taldearen Ilargia eta Alex Ubagoren Aunque no te pueda ver saririk gabe geratu ziren.

Disko Onena aukeratzeko orduan, Berri Txarrak taldearen Libre-ren alde egin zuten hautua entzuleek eta Interneten erabiltzaileek, eta Drogas Barricada taldeko kideak eman zien garaikurra.

Talde edo bakarlaria sailean, Ruper Ordorika, Su ta Gar eta La Buena Vida ziren aukerak, eta Su ta Gar taldeak eskuratu zuen saria Sen taldeko kideen eskutik.

Bideoklipa tartean, Surfin Kaosen Bizitza, Erasoren Gertaerak eta Mikel Erentxunen Mañana ziren hautagaiak, eta Fermin Muguruzak eman zion oroigarria Eraso taldeari.

Telebista atalean, berriz, Klaudio Landa, Vaya Semanita eta Betizuko Nerea Alias eta Iban Garate zeuden aukeran, eta ikus-entzuleek Iban Garate eta Nerea Alias gazteei eman ziteen botoa. Estitxu Fernandezen eskutik jaso zuten saria.

Azkenik, Elkartasunari Gaztea Saria atall berezian, Euskadi Gazteak eta Eusko Jaurlaritzak gobernuz kanpoko erakunde edo talde bati elkarrekin ematen dioten 3.000 euroko saria izan ohi da, eta Arabako Arazoak Elkarteak hartu zuen ume eta gazte autistekin egiten duten lanarengatik.



Noiz:2004-04-21 13:50:57


926 aldiz ikusita
+ Blog sarrera berria gehitu   + Sarrera aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin