Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

"Arratsaldeak Juslarrochan" zikloa (kontzertuak eta antzerkia)

Jarduerak Civivox sarean (2020ko otsailetik maiatzera)


MEDIALUNA ABESBATZA. OTSAILAK 19, ASTEAZKENA, 19:00. JUSLARROCHA CIVIVOXA. ABESBATZAKO ZUZENDARIA: ERIKA IMIZKOZ. Media Luna Abesbatzak 1996ko urrian heldu zion ibilbideari eta gaur egungo zuzendaria Erika Imizkoz da. Abesbatza Nafarroako ONCEren barneko jarduera bat bezala sortu zen. Hasieran, talde txiki bat izan zen, guztiak ere ONCEko kideak. 2001etik aitzina, berriz, erakundeaz kanpoko jendea hasi zen sartzen. Retinosis Pigmentaria elkarteak urtebetez abesbatza babestu ondoren, Media Luna Abesbatza Elkartea sortu, zuzendaritza batzordea hautatu eta Nafarroako Abesbatza Elkartean sartu zen. Gaur egun, 36 kide dira eta hainbat herrialdetako folkloreko abestiak ematen dituzte, herrialde haietako hizkuntzetan kantatuak eta gurekulturako herri-kantuak oso kontuan hartuta.


YOAR ERRONDAILA. OTSAILAK, 20, OSTEGUNA. 19:00. JUSLARROCHA CIVIVOXA. ERRONDAILAKO ZUZENDARIA: MIGUEL GAINZA. Errondailak 1998ko azaroan heldu zion bere bideari Iruñean, Iruñerrian eta erkidego mugakideetan. Zahar etxeetara, kultur etxeetara eta erakunde ofizialen ekitaldietara joan ohi dira. Errondailak askotariko errepertorioa dauka, hala nola boleroak, rantxerak, abesti melodikoa, bai eta jotak ere. Guztira, 160 lan inguru dira. 36 lagun dira kide, ahotsetan erdiak emakumeak, eta beste erdiak, gizonak; hamar instrumentisten artean, bi emakume; batek akordeoia jotzen du, eta besteak, berriz, gitarra. Kideak 63 eta 86 urte artekoak dira.


JUS LA ROCHA ERRONDAILA. OTSAILAK 21 , OSTIRALA.  19:00. JUSLARROCHA CIVIVOXA. ERRONDAILAKO ZUZENDARIA: CONCEPCIÓN GANUZA. Conchi Anduezaren zuzendaritzapean, errondailak eskuzabaltasunez ematen ditu kontzertuak Nafarroa osoan, dela zahar etxe eta kultur etxeetan, dela Gayarren Antzokian eta parrokietan, dela erretiratuen elkarteetan. Errepertorioa zabala eta askotarikoa dauka; herritankerako piezak, nafar tankerako doinu eta abestiak, habanerak, rantxerak, jotak, etab. Taldeak Asociación Musical Jus La Rocha dauka izena, Arrotxapekoa da eta 2002an sortu zen, Miguel Cáceresen zuzendaritzapean. 2006an, Conchi Andueza hasi zen zuzendari.


NOBLEZA NAVARRA, SANTIAGO APOSTOL ETA RAÍCES Y BROTES. FOLKLOREA JUSLARROCHAN. OTSAILAK  24, ASTELEHENA, 19:00. JUSLARROCHA CIVIVOXA. NOBLEZA NAVARRA: Nobleza Navarra jota-elkartea 16 ikaslez osatua dago. Jotaren artea maite dute eta, horren ondorioz, 2013an taldea sortu zuten, Pilar Zubiría Lorenteren zuzendaritzapean. Errepertorio zabala eta askotarikoa dauka: jotak, kalejirak, mexikarrak... SANTIAGO APOSTOL DANTZA ETA GAITA TALDEA. 1993an sortu zen, 20 urteko ibilbidea egin ondoren eta Iruñean nahiz hiriburutik kanpo 200etik gora emanaldi egin eta gero. Ibilbidea egiten du Galiziako musika eta dantza tradizionalean, muñeirak, jotak, pasodobleak, rumbak eta beste emanda, bere errepertorio zabaleko azken printza batzuk ere barnebilduta. RAICES Y BROTES dantza taldea. Extremadurako herridantzak eta kantu folklorikoak ematen ditu. (Talde sortu berria).


JUS LA ROCHA ANTZERKI -IKASGELAREN HISTORIA: LEVANTE. ZUZENDARIA: Jaime Malón. MARTXOAK 3, ASTEARTEA, 19:00. JUSLARROCHA CIVIVOXA.  Duela 33 urte, Patxi Larrainzar apez eta antzerkigile nafarrak Mujer y cultura izenburuko antzezlan bat ondu zuen, eta emakume talde bat animatu zuen huraxe ematera. Hura burutu ondoren, emakume haietariko lauk antzerki talde amateur bat sortu zuten. Horrelaxe sortu zen Jus la Rocha antzerki-ikasgela.


ANTZERKIA. HABÍATEATRO: 100M2. ZUZENDARIA: Miguel Goikoetxeandia. MARTXOAK 5, OSTEGUNA, 19:00. JUSLARROCHA CIVIVOXA. Habíateatro taldea 2012ko irailean hasi zen: Chelo Cruz, Joana Díaz de Cerio, Txetxu Morentin, Arantza Ezcurdia, Vanesa Eguiluz eta Reyes Rodríguez Antzezpena: 100 m2 (El inconveniente), 7 urtetik gorakoentzat da. Komedia dramatiko bat da, oso egungo istorioa kontatzen duena. Neska bat prest dago adineko emakume etxegabetu batekin bizitzeko. Trukean, emakume zaharra hiltzen denean, haren etxearen jabea izanen da. Gauzak, ordea, ez dira sekulan ateratzen uste bezalaxe. Agertokiko hirugarren pertsonaia higiezinetako agente bat baita; tartean sartu den lekuko gisa jokatuko du.

Hasiera data:2020-02-19
Bukaera data:2020-03-05

Ordua: 19:00
Helbidea: Juslarrotxa Civivox-a, Pamplona/Iruña

"Arratsaldeak Juslarrochan" zikloa (kontzertuak eta antzerkia)

Altitudea: 42.8252780261363

Latitudea: -1.65095329284667

Open data Euskadi

28 aldiz ikusita

2020eko otsailaren 13an 04:27etan

Kultura-ekintzak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan