Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

"Mundu bat ihesean"

Multimedia praktikaren aitzindaria izan da Diana Thater (San Frantzisko, 1962) azken hogeita hamar urteetan; izan ere, mugimenduan dauden irudi-gailu berriak zinemako eta telebistako ohiko narratibetatik ihes egiten duten formekin konbinatu ditu.


Erakusketa-espazioan egindako kolore-manipulazioen bitartez, eta proiekzio-pantailak edo -monitoreak bitarteko plastiko gisa erabilita,  bideoartearen pertsonaia esanguratsuenekin izandako elkarrizketak azaltzen ditu Thaterrek bere lanetan, kultura garaikideko auzi handien berri eman bitartean.


Behin eta berriz errepikatzen da bere obran giza akzioaren ondorioz gertatzen den animalia-espezieen desagertzea. Kameraren eta proiekzio-gailuaren bitartez, modu obsesiboan jorratzen du Thaterrek begiratzeko desiraren eta antzezteko beharraren, hau da, bestearen identitatea eraikitzeko beharraren arteko kontraesana. Hala, bere instalazioetako bakoitzak ekosistema baten ideia erakusten du, non azalerak, bolumenak, soinuak, atmosferak eta memoria historikoak batera existitzen diren. 


Mundu bat ihesean (2016–17) lanak bikiak diren bi bideo-instalazio erakusten ditu, berriki Kenyan ekoitzi direnak. Lan horietako bakoitza erretratu eta paisaia da aldi berean, eta proiekzio laukoitz baten itxura hartzen du, erakusketa-espazioaren erdian gurutzatutako bi pantailaren gainean proiektatuta; espazioa, aldi berean, koloretako argi-iragazkien bitartez itxuraldatzen da. Aipatutako lan horiek babespeko bi espezieren (errinozero eta elefantearen) bizitza atsegin eta prekarioetara garamatzate, espezie horien biziraupena mehatxatzen duten ekonomia bidegabeetan begirada jarri artean.


Komisarioa: Manuel Cirauqui

Hasiera data:2018-07-12
Bukaera data:2018-10-21

Ordua: De martes a domingo: 10:00-20:00. En julio y agosto, de lunes a domingo: 10:00-20:00
Helbidea: Guggenheim Bilbao Museoa, Bilbao

"Mundu bat ihesean"

Altitudea: 43.2685031553625

Latitudea: -2.93442249298095

Open data Euskadi

91 aldiz ikusita

2018ko martxoaren 22an 06:48etan

Erakusketak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan