Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

"Lee Krasner. Kolore Bizia"

Lee Krasner (1908–1984) espresionismo abstraktuaren aitzindaria izan zen, eta mugimendu horrek arte modernoaren erdigune indartsu bihurtu zuen New York Bigarren Mundu Gerraren ondoren. Krasner Brooklynen jaio zen, Errusiatik etorritako familia judu ortodoxo batean, eta 14 urte zituela erabaki zuen artista izatea. Neskentzako arte-eskolak ematen zituen New Yorkeko eskola bakarrean sartzeko eskaera egin zuen, eta, gerora, Cooper Union-en, Diseinu Akademia Nazionalean eta Hans Hofmannen Arte Ederren Eskolan ikasi zuen.


Krasner izan zen New Yorken ikuspegi erabat abstraktua bereganatu zuten lehenengo artistetako bat, eta, 1942an, haren obra McMillen Inc. enpresaren American and French Paintings erakusketan sartu zen lagun zituen Willem de Kooning eta Stuart Davis artisten lanekin batera. Jackson Pollock-en lana ere bazegoen erakusketan, eta hura zen Krasnerrek ezagutzen ez zuen bakarra. Hortaz, haren estudiora joatea erabaki zuen bisita egiteko; 1945ean ezkondu egin ziren, eta Springs-era (Long Island) joan ziren bizitzera.


Garaikide gehienek ez bezala, Krasnerrek ez zuen “estilo bereizgarri bat” garatu nahi izan, zurrunegia iruditzen baitzitzaion. Obra-zikloetan lan eginez, artistak bene-benetako adierazpide berri bat bilatzen zuen, baita unerik zailenetan ere (esaterako, 1956an Pollock bat-batean auto-istripu batean hil zenean). Krasnerren berebiziko espiritu hori artistak berrogeita hamar urtez baino gehiagoz sortu zuen obra guztian hautematen da.


Lee Krasner. Kolore bizia artistari buruz penintsulan egindako lehenengo erakusketa da, eta haren ibilbide osoko aparteko obrak elkartzen ditu: lehenengo autorretratuak eta marrazkiak, War Services Project proiekturako collageak, berrogeiko hamarkadaren amaierako “irudi txikien” pintura zirraragarriak, edo 1955ean Stable Gallery-n aurkeztu zituen collage ausartak. 1956ko udan, Krasnerrek Profezia sortu zuen. Obra horretan, forma biribilduak eta mamitsuak ziren nagusi, gorputzen irudiak nabarmentzen zituzten ertz beltzekin eta ukitu arrosekin. Urte hartan bertan alargundu arren, Krasnerrek beste hiru obra egin zituen Profezia lanaren haritik. Hurrengo urtean, “Gaueko bidaiak” margotzen hasi zen, ordura arteko eskalarik handienean, zuri eta okre ilun koloreko paleta mugatua erabilita. Hirurogeiko hamarkadaren hasieran, artistak kolorea berreskuratu zuen, eta pintura monumental oparoak sortu zituen, baita aurreko pinturen zatiak erabiliz egindako collage txundigarriak ere.


Berrogeita hamar urteko ibilbidean, etengabeko berrikuntza eta esplorazio atergabea dira Krasnerren lanaren bereizgarriak. 1984ko ekainean hil zen.


Londreseko Barbican Centre museoak Guggenheim Bilbao Museoarekin batera antolatutako erakusketa. Terra Foundation for American Art fundazioaren laguntzarekin


Komisarioak: Eleanor Nairne eta Lucía Agirre

Hasiera data:2020-05-29
Bukaera data:2020-09-06

Ordua: De martes a domingo: 10:00-20:00. En julio y agosto, de lunes a domingo: 10:00-20:00
Helbidea: Guggenheim Bilbao Museoa, Bilbao

"Lee Krasner. Kolore Bizia"

Altitudea: 43.2685031553625

Latitudea: -2.93442249298095

Open data Euskadi

38 aldiz ikusita

2020eko urtarrilaren 22an 04:22etan

Erakusketak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan