Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

LLUÏSA ESPIGOLÉ ETA ERICA WISE

Hotsetan, musika esperimentaleko programa


Portrait Concert Morton FeldmanPatterns in a Chromatic Field (1981) biolontxelo eta pianorako


Azkuna Zentroak Kataluniako musika berrien lurraldeko interpretatzailerik aktiboenetako bi aurkeztuko ditu kontzertuan: Lluïsa Espigolé pianista eta Erica Wise biolontxelo-jotzailea. Biek batera Morton Feldman konpositorearen Patterns in a Chromatic Field (1981) interpretatuko dute, ordubete eta hogeita hamar minutuko pieza.


Hainbat hamarkada igaro ondoren, New Yorkeko konpositorearen musikak harridura sortzen jarraitzen du. Morton Feldman bere pieza instrumental bereziengatik da ezaguna; oso iraupen luzeko soinu isolatuekin daude konposatuta, instrumentuen ezohiko konbinazioetarako, kasu honetan, biolontxelorako eta pianorako.


Lluïsa Espigolé piano-jotzailea pianorako errepertorio garaikidean espezializatuta dago. Yukiko Sugawara, Nicolas Hodges, Florent Boffard eta Florian Hölscher-en ikaslea izan da; eta Hermann Kretzschmar eta Ensemble Modern-eko gainerako kideekin lan egin du, Frankfurt-eko Internationale Ensemble Modern Akademie jaialdian. Era berean, Peter Ablinger, Michael Beil eta haren belaunaldiko konpositoreekin batera egin duen lana erabakigarria izan da Espigoléren prestakuntzan. Bere jardueraren ardatza da musika garaikidea interpretatzea eta estreinatzea, bakarlari gisa, ganbera-musikan, ensembleetan edota diziplinarteko eta inprobisazio libreko proiektuetan parte hartuz. 2011. urtetik piano garaikideko eta ganbera-musikako irakaslea da Aragoiko Goi Mailako Kontserbatorioan (CSMA).


Bestalde, Erica Wise txelistak ibilbide aldakorra izan du ganbera eta orkestrako musikari, bakarlari eta irakasle gisa. Goiz piztu zitzaion ganbera-musikarekiko maitasuna, Kinhaven Music School (Vermont) bezalako lekuetan eta Tanglewood, Yellow Barn eta beste jaialdi batzuetan udak pasatzen zituenean. Wisek biolontxelo-jotzaile nagusi gisa jo du Michael Tilson Thomas eta Seiji Ozawa zuzendarientzat, besteak beste; eta birak egin ditu New World Symphony, Baltimoreko Orkestra Sinfonikoarekin. Da Camerako kontseilari artistikoa ere bada. Gure garaiko musika garaikidearekin aktiboki konprometituta dago, eta estreinaldi ugari egin ditu mundu osoan barrena, bakarlari gisa, eta Bartzelonan egoitza duen ganbera garaikideko FUNKTION taldeko kide sortzaile gisa. Gaur egun, txelo eta ganbera-musikako irakaslea da Liceu-ko Goi Mailako Musika Kontserbatorioan, Bartzelonan.

Hasiera data:2020-01-22
Bukaera data:2020-01-22

Ordua: 19:00
Helbidea: ,

.

Open data Euskadi

9 aldiz ikusita

2020eko urtarrilaren 17an 04:25etan

Musika, kontzertuak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan