Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Dock of the Bay 2020

Dock of the Bay Donostiako Musika Dokumentalen Jaialdia 2020ko urtarrilaren 13tik 18ra izango da Antzoki Zaharrean eta Trueba zine-aretoetan. Orain, bere programazioaren aurrerapena aurkeztu du ?lehiaketaz kanpo emango diren bederatzi dokumental? eta jarri ditu salmentan sarrerak ohiko kanalen bitartez.  Perfect Day, lehiaketaz kanpoko film luzeen saila, 8 filmek osatzen dute aurten eta Trueba zine-aretoen eta Antzoki Zaharraren artean proiektatuko dira. Astelehenean, urtarrilaren 13an, batetik, “PJ Harvey: A Dog Called Money” ikusi ahal izango da, aparteko bidaia intimoa PJ Harveyren disko baten inspiraziora, konposiziora eta grabaziora, eta bestetik, “Lil Peep: everybody´s everithing”, Terrence Malick zinegileak ekoiztutako elegia zirraragarria, Lil Peep protagonista duena: emo-trapen ikono, hogeita bat urte besterik ez zituela hil zen gaindosi batek eraginda eta bat-bateko ospearen zamaren pean.  Asteazkenean, “Niños somos todos” eta “The Rise Of The Synths” dokumentalak proiektatuko dira. Lehena Sergi Cameronek zuzendua da eta bidaia bitxi bat kontatzen du, El Niño de Elchek musikan, soinuan eta esperimentazioan barrena egindako bidaia sakon bat, sorkuntza artistikoaren izaera bilatu nahian. Bere aldetik, “The Rise Of The Synths”, John Carpenter ikonoak kontatua, bidaia bat da denboran atzera, Synthwave izenez (baita Outrun edo Retrowave) ezagun den eszena musikal baten sustraietara: musika elektroniko modernoaren eta 80ko hamarkadako pop kulturarekiko nostalgiaren nahaste bat, hamarkada hartako pelikula, serie eta bideojokoetako soinu-bandak ardatz dituena. Azken urteetan, Interneteko foroetan joera xume bati izatetik azpikultura bat bilakatu da milioika erreprodukziorekin sare sozialetan eta eragin geldiezin batekin mainstreamen. Ostiralean, â€œBarbara Rubin & The Exploding NY Underground” emango da. New York hirian loraldian zen underground mugimendua inspiratu zuen emakumea da Barbara Rubin. Urteetan bere zineak eta energia agortezinak lagundu egin zuten muga artistikoak eta sexistak hausten. Hirurogeiko hamarkadako Zelig mitiko batek Andy Warhol sartu zuen Velvet Undergrounden eta Bob Dylan Kabbalahen. Jonas Mekasek urteetan bildu zituen Barbararen gutun eta pelikula guztiak, haren oroigarri. Mekasen irudiekin lan eginez, film honek Barbara Rubinen mundura eta adimenera eramaten gaitu; zineak mundua benetan alda lezakeela sinesten zuen emakumea zen bera. Larunbatean, Antzoki Zaharrera joango da jaialdia “Suede” proiektatzera; dokumental honek Londresko bandak izan zuen karrera meteorikoaren historia kontatzen digu, baina baita arrakastaren atzean izandako historia nahasi bezain bortitzarena ere. Pelikulak, besteren artean, gertutik aztertzen du Brett Andersonen droga-abusua eta bandako kideek jasan behar izan zuten presioa urte eta erdi batean egin zituzten biretan. Xehetasun harrigarriekin, pelikula honek bat-bateko argazki bat ere eskaintzen digu, 90eko hamarkadako musikaren eszena erakusten diguna. Programazioak jarraitu egiten du “Marianne & Leonard: words of love”-rekin; Leonard Cohenen eta haren musa norvegiar Marianne Ihlenen arteko amodiozko historia ederra bezain tragikoa. Haien idilioa 1960an hasi zen Greziako Hydra uharte idilikoan, artista, idazle eta musikari atzerritarren komunitate bohemio baten erdian. Hydrako hasierako egunetatik kontatzen digu filmak haien harremana; garai xume bat, 'amodio librea' eta ezkontza-harreman irekia askatzen hasitako garaia, Leonardek nazioartean arrakasta lortu zuen arte. Jaialdia ixteko “Mystify” proiektatuko da Antzoki Zaharrean. Dokumentala bidaia bat da Michael Hutchenceren bihotzera eta arimara: INXSeko abeslari nagusia, nazioartean ospetsu egin zena. Gizon konplexu eta lotsati hark jendaurrean igaro zuen ia bere bizialdi osoa, baina nekez erakutsi zion inori bere benetako ni-a, bere lagun gertukoenei izan ezik. Artxiboko irudi argitaragabeak eta lagunen, maitaleen, senideen, adiskideen eta Michael Hutchence beraren pertzepzio intimoek erretratatzen dute bere bizitza, bere famili historia apurtu batetik hasita goiko izar arrokatsuetaraino eta Copenhaguen izan zuen istripu arraro baten ondorengo sakontasunetaraino. Paint it black atzera begirakoa Joan den urteko irailaren 10ean bihotzeko batek jota hil zen Daniel Johnston, Estatu Batuetako underground eszenako irudi maitagarri eta adierazgarrienetako bat. Yo La Tengo-k edo Kurt Cobainek jarraitua, zeinak berehala bihurtu zuen ospetsu MTVn haren kamiseta batekin agertu zenean, Johnstonek ezusteko eta gorabeherez jositako ibilbide bat bizi izan zuen musikari gisa. Dock of the Bay-tik berriz ere aldarrikatu nahi dugu, eta omenaldi txiki bat egin nahi diogu The Devil & Daniel Johnston filmaren proiekzioarekin: dokumental zoragarri bat, 2005ean Sundancen saritua eta jenio honen bizitzatik ibilbide bat egiten duena aparteko sentiberatasuna erakutsiz. Proiekzioa Antzoki Zaharrean izango da eguerdiko 12:00etan. Dock of the Bay ElkarrizketakAurten jaialdiak formatu berri baten alde egin du apustu: Dock of the Bay Elkarrizketak, Gipuzkoako Foru Aldundiko Kultura eta Kirolak Departamentuaren babesari eta Musikeneren lankidetzari esker. Elkarrizketarako gune bat zinearen eta musikaren arloetako bi gonbidaturekin. Gune atsegin eta hurbil bat, non, ordu eta erdiz, haien proposamenak entzuteaz gain zuzenean aritu ahal izango garen solasaldian haiekin. Bi egun, bi elkarrizketa. Urtarrilaren 15ean, parte-hartzaileak hauek izango dira: Garbiñe Ortega, Punto de Vista-ko zuzendari artistikoa, etaStefano Scarani, Musikan doktore eta nazioarteko ekitaldietan ibilbide magistrala egina konpositore gisa. Hurrengo egunean izango ditugu Mireia Iniesta, zineko irakaslea eta programatzailea Craft Film Festival-en, eta Aitor Etxebarria, konpositorea eta musikaria. Bi “Elkarrizketak” Koldo Mitxelena Kulturunean izango dira, 19:00etatik 20:30era. “Elkarrizketak” elkarraldietara bertaratu nahi duzuenek bidali email bat helbide honetara: info@dockofthebay.es. EpaimahaiaHamahirugarren edizio honetako epaimahaia hauek osatua da: Nacho Vegas musikaria, Garbiñe Ortega irakaslea eta Punto de Vista-ko zuzendaria artistikoa, eta Koldo Almandoz zinegilea.  Nacho Vegasek, 90eko hamarkadaz geroztik hainbat taldetan jardunak, 2001ean hasi zuen bere ibilbidea bakarka. Orain artista gailenetakoa da estatuko eszenan eta, gainera, gero eta ospe handiagoa hartzen ari da Latinoamerikan. Bere lan berria, Violética (Marxophone, 2018), aldi berean kaleratu zen Espainian, Mexikon, Argentinan eta Txilen. Literaturan eta zinean ere egin ditu sarraldiak, eta nabarmentzekoak dira bere poema eta kontakizun liburua Reanudación de las hostilidades (Espasa, 2017) eta Cantares de una revolución (Ramón Lluís Bande, 2018) musika dokumentalean izan duen partaidetza.Nacho Vegas 2020an hasiko da lanean bere hurrengo diskoa kaleratzeko; Oso Polita zigiluak editatuko du. Garbiñe Ortega Euskal Herrian garatzen den ikus-entzunezko prestakuntza eta erakustaldirako Zineleku proiektuaren sortzaile kidea da. Irakaslea da Elias Querejeta Zine Eskolan eta ESCACen (Bartzelona). Orain Punto de Vista-ko zuzendari artistikoa da. Koldo Almandoz zinegilea da, Kazetaritzan eta Ikus-entzunezko Komunikazioan lizentziatua. The Balde (2003-2017) arte eta kultura aldizkariko zuzendaria. Festival Punto de Vista-ko (2013-2017) hautaketa-batzordeko kidea. Irakaslea EQZE Zine Eskolan.

Hasiera data:2020-01-13
Bukaera data:2020-01-18

Helbidea: Donostiako Principal Antzokia (Antzoki Zaharra) - (Antzoki Zaharra eta Trueba zinema-aretoak), Donostia / San Sebastián

Dock of the Bay 2020

Altitudea: 43.3227424959934

Latitudea: -1.98565006256103

Open data Euskadi

204 aldiz ikusita

2019ko abenduaren 20an 04:24etan

Antzertia buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan