Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bilboko Aste Nagusia 2019: kontzertuak


Bilboko Aste Nagusia 2019ren barruan. 


Bilboko Udalak Abandoibarrako eta Europa parkeko agertokietan arituko diren lehenengo taldeak eta artistak nortzuk izango diren aurreratu du. Abandoibarran 23:30ean hasiko dira kontzertuak eta Europa parkean, 00:00etan. Sutagar, Dúo Dinámico, Bebe, Mónica Naranjo Bilboko Orkestra Sinfonikoaren, La Moda, Huntza eta C. Tangana dira Bilboko 41. Aste Nagusian arituko diren musika-taldeetako eta bakarlarietako batzuk.


Sutagar euskal taldea izango da kontzertuei hasiera emango diena; Abandoibarran joko du zapatuan, abuztuaren 17an, 23:30etik aurrera. 1987an sortu zen heavy metaleko taldeak zutik jarriko ditu ikusleak taldearen atzoko eta gaurko abestiekin; izan ere, jarraitzaile asko ditu taldeak, Euskadikoak zein kanpokoak.


Astelehenean, abuztuaren 19an, leku eta ordu berean, klasikoetan klasikoetako bat izango dugu: Dúo Dinámico. Talde ezagun honek era guztietako ikus-entzuleak bilduko ditu Aste Nagusiko emanaldian, 60ko hamarkada gogoraraziko digun ikuskizunarekin.


Martitzenean, abuztuaren 20an, Abandoibarran eta 23:30etik aurrera, Beberen txanda izango da, â€œMalo” eta â€œElla” abestiekin mundu-mailako ospea lortu zuen aktore eta kantariaren txanda. Zalantzarik ez, Bilboko gauean ere zirrara eragingo du.


Abuztuaren 21ean, eguaztenarekin, jarraitzaile mordoa dituen Mónica Naranjoren ahots hunkigarria Bilboko Orkestra Sinfonikoaren soinuekin batera izango dugu, 23:30ean hasita, Abandoibarran; Europa parkeko aurtengo lehenengo kontzertua, ostera, Huntza taldearena izango da, 00:00etan. Huntza taldea Bilboko kaleetan sortu zuten Unibertsitateko sei ikaslek 2014. urtean eta “Aldapan gora” abestiak eman die osperik handiena.


Hurrengo egunean, abuztuaren 22an (eguena), 23:30ean hasita eta Abandoibarran, La M.O.D.A taldearen kontzertua izango da. Akordeoia, saxofoia, banjoa, mandolina eta klarinetea konbinatzen dituen talde honek folk, country, punk eta rock and roll-etik edan du eta ondorioa, zuzeneko indartsuak egiten dituen talde berezia.


Europa parkeko kontzertu-sorta abuztuaren 24an, zapatuan, amaituko da, 00:00etan. Boladan dagoen C. Tangana rapero, trapero eta reggaeton-kantaria arituko da.


8 AGERTOKI ETA DOAKO 100 MUSIKA EMANALDI BAINO GEHIAGO


Aste Nagusiko jaietako publikoarentzat musika-eskaintzak duen garrantziaz jabetuta, Udalak doako 100 musika-ikuskizun baino gehiago antolatu ditu uriko 8 agertokitan; era guztietako kontzertuak izango dira, gaur-gaurkoak, musika klasikoa eta bilbainadak, besteak beste.


Musikako hitzorduen ardatza eta oinarria, Bilboko jai-ereduaren ezaugarriak izango dira: kalitatea, askotako eskaintza, berdintasuna, parte-hartzea eta doakotasuna. Musika-estilo bakoitzak bere espazioa eta kokalekua izango ditu. Hona hemen:


KONTZERTUEN AGENDA:


ABANDOIBARRA



  • Zapatuan, hilak 17, 23:30ean: Sutagar

  • Astelehenean, hilak 19, 23:30ean:Dúo Dinámico

  • Martitzenean, hilak 20, 23:30ean: Bebe

  • Eguaztenean, hilak 21, 23:30ean: Mónica Naranjo + Bilboko Orkestra Sinfonikoa

  • Eguenean, hilak 22, 23:30ean: La Moda


EUROPA PARKEA



  • Eguaztenean, hilak 21, 00:00etan: Huntza

  • Zapatuan, hilak 24, 00:00etan: C.Tangana 


Hasiera data:2019-08-17
Bukaera data:2019-08-24

Helbidea: Enkarnazioaren Eliza, Bilbao

Bilboko Aste Nagusia 2019: kontzertuak

Altitudea: 43.256963

Latitudea: -2.923441

Open data Euskadi

18 aldiz ikusita

2019ko uztailaren 10an 16:21etan

Musika, kontzertuak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan