Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Folkez Blai 2019

Ermuko udalak folk musikako herriko taldeekin lankidetzan jardunez ‘Folkez Blai’ deritzan folk taldeko XIV. lehiaketa antolatu du. Lehiaketa honek bere sorreratik bi helburu ditu; batetik, musika bere errotik bertatik sustatzea eta, bestetik, modalitate hori lantzen duten musika elkarteen erakusleihoa izatea.


Lehiaketa bi fasetan gauzatuko da. Lehenengoan, lehiaketara aurkeztutako grabazioak aztertu eta hainbat aukeratuko dira; bigarrenean, finalera heltzen diren 6 taldeek zuzenean joko dituzte beraien abestiak.


Bigarren fase honetan folk talde ospetsu batek eta aurreko edizioaren talde irabazleak ere kontzertua eskainiko dute lehiaketako taldeek egingo duten oholtza beretik. Hori horrela, folk taldeak bultzatzeko hasierako helburuari irailaren 12tik 15era bitartean Ermura etorriko zaizkigun guztiei musika mota hori deskubritu eta ezagutzeko aukera eskaintzea gehitzen zaio, guztion gustukoa izango dela espero baitugu. Lehiaketa honetan ez dute parte hartuko antolakuntzan lagunduko duten herriko taldeek, ez eta epaimahaikide izango direnek ere.


 



  1. Lehiaketan parte hartu ahal izango dute folk musika bere errepertorioan duten, estilo eta modalitate anitzetan, musika talde guztiek, baldin eta diskorik argitaratu ez badute edo, argitaratu izatekotan, bi bestetik izan ez badira.

  2. Lehiaketako taldeek lau abesti jasotzen dituen grabazioa bidali beharko dute eta, abesti horietatik gutxienez bi originalak (jatorrizko, propioak) izan beharko dute. Bidalketa horretan ere taldearen historiala eta harremanetarako helbidea (posta elektronikoa jarri daiteke, izaten bada) eta telefonoa adieraziko dira. Materiala Ermuko Udalako Kultura Sailera bidaliko da ondorengo helbidera: Lobiano Kultur Gunea. Goienkale 10,. 48260. Ermua (Bizkaia) edota plopez@udalermua.net posta elektronikoaren kontura. Gutunazalean ‘Folkez blai’, Folk taldeen XIV. Lehiaketa idatziz.

  3. Grabazioak aurkezteko epea, 2019ko martxoaren 15etik maiatzaren 15era bitartekoa da.

  4. Lehiaketako epaimahaiak 6 talde aukeratuko ditu bigarren fasean parte hartzeko. Fase honetan taldeek zuzenean jo beharko dute aurtengo irailaren 13, 14 eta 15ean, Orbe Kardinalaren plazan egingo den emanaldian. Talde bakoitzaren emanaldiak gutxienez hiru ordu laurden (45 minutu) iraungo du eta ordu betea (60 minutu) ez du gaindituko.

  5. Lehiaketaren bigarren fasean talde bakoitzak eman beharreko emanaldiak noiz izango diren (egun eta ordu zehatza) epaimahaiak erabakiko du eta aldez aurretik adieraziko.

  6. Sailkatuta suertatu arren sarituak ez diren talde guztiek 400 € jasoko dituzte, emanaldia egiteko Ermuraino etorri behar izanagatik laguntza moduan.

  7. Lehiaketaren bigarren fasea hasi aurretik, horretan parte hartuko duten taldeek lehiaketara aurkeztutako abestiak propioak direla jasotzen duten agiria sinatu beharko dute. Zuzeneko emanaldian eurenak propio diren abestiak eta ez diren gainerakoak interpretatu ahal izango dituzte.

  8. Finalera ailegatzen diren taldeek, hasieran aurkeztutako grabazioan bildutako 4 abestiak jo beharko dituzte lehiaketaren 2. fasean.

  9. Epaimahaia beren beregi eratuko da, herriko folk taldeetako kideekin eta udalaren ordezkari batekin. Honek, bere azken erabakia eta lehiaketako irabazlearen ezagutaraziko ditu, aurtengo irailaren 10ean.

  10. Sariak bi izango dira; lehenengoa 3000 eurotan baloratuta dago eta, bigarrena, 1.500 €urotan (zergak barne).

  11. Saritutako taldeek dagokion faktura elektronikoa aurkeztu behar izango dute jasotako sariak justifikatzeko.

  12. Talde irabazleak talde gonbidatua moduan Folkezbai eta Getxofolk jaialdietan partaidetza baino hurrengo edizioan parte hartuko du. Data eta katxeta jaialdien antolakuntza eta taldearen artean bat egingo dute.

  13. Epaimahaiak lehiaketa osoa edo lehiaketako sariren bat hutsik uztea erabaki dezake.

  14. Lehiaketan partehartzeak, lehiaketa arautzen duten oinarriak onartzea dakar. Oinarriak interpretatzerakoan zalantzarik sortzen bada, epaimahai Kalifikatzaileak kasua aztertu eta erabakiko du.


Harremanetan jartzeko:


Ermuko UdalaKulturala AlorraTelefonoa: 943179163Posta elektronikoa: plopez@udalermua.net

Hasiera data:2019-09-13
Bukaera data:2019-09-15

Helbidea: , Ermua

Folkez Blai 2019

Altitudea: 43.186642

Latitudea: -2.502607

Open data Euskadi

269 aldiz ikusita

2019ko martxoaren 19an 06:14etan

Jaiak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan