Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

"Cristóbal Balenciaga, moda eta ondarea. Testuinguruak"

Moda eta Ondarearen artean badago elkarrizketa paradoxiko bat. Cristóbal Blaenciagaren kasuan, baina, bi horien arteko elkarrizketan bat egiten dute biek. 


2018an, Cristóbal Balenciaga Museoak serie kuratorial honi hasiera eman zion, Getariako jostunaren lanaren diskurtso kronologiko eta ebolutiboaren bidez, garai batean jantzi soil bat izandakoak gaur egun Museoaren bilduma bihurtzeko izan duen prozesua aztertzeko.


Testuinguruak erakusketak, emanaldi berri honetan, historia eta modaren leku amankomunak bilatzera garamatza: gortinaren atzeko espazioak, gauza oro egiten den lekua, nola egiten denzer egiten den baino lehen, eta goi-mailako jantzigintzaren behinola eta museologia-lanaren “orain” horien paralelismo formalak.


Edizio berri honetan, Moda eta Ondarea serie bihurtzen da. Work in progress delakoa da, Museoko bilduma bera bezala, non erakusketako diskurtsoa hazi egiten den, ikerketa berrien ekarpenak, material berriak eta eduki berriak txertatuta. Proposamen berria eta bizia da, zeina aurrera doan ezagutza-geruza berriekin eta teknologia berriek horiek aztertzeko ematen dituzten aukerekin.


Erakusketak sei areto beteko ditu, Museoaren 1.000 m2 inguru, 2019ko martxoaren 1etik 2020ko urtarrilaren 12ra bitartean, eta 80 jantzi-pieza izango ditu, gehienak lehenago erakutsi gabeak. Askotariko jatorria dute: museoko bilduman sartutako pieza berriak, gordailuak eta maileguak, eta bilduma pribatuak.Teknologiak bere tokia izango du, oraingoan ere, erakusketa honetan; hain zuzen ere, digitalizatzearen bidez interaktibitatea erraztuko da, aukera emateko piezen xehetasunak (megapixelak) ikusteko, 360º-ko ikuspegia izateko, haien sortze-teknikoari buruzko infografiak behatzeko. 


Museoko lantaldearen eta Judith Clark fashion curator ospetsuaren arteko elkarlanak bide eman die erakusketaren diskurtsoari, piezen aukeraketari eta kontzeptualizazio espazialari eta diseinuari, 2018an serie hau hasi zenetik egindako lanaren jarraipen modura.

Hasiera data:2019-03-01
Bukaera data:2020-01-12

Helbidea: Cristobal Balenciaga Museoa, Getaria

"Cristóbal Balenciaga, moda eta ondarea. Testuinguruak"

Altitudea: 43.3020863381757

Latitudea: -2.20449686050415

Open data Euskadi

146 aldiz ikusita

2019ko otsailaren 12an 04:23etan

Erakusketak buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan