Esta web utiliza cookies, puedes ver nuestra la política de cookies, aquí, Si continuas navegando estás aceptándola.
EU | ES
Menu
Logo kaixo.com Logo kaixo.com
Logo bilatu
Logo usuario

“Oztoporik gabe” Azokaren 8. edizioa Ficoban egingo da ostiral eta larunbat honetan


2017-11-30 21:55

Gipuzkoako Foru Aldundiaren babesarekin, Irungo Ficoba erakustazokan ostiral eta larunbat honetan egingo den Oztoporik Gabe Azokaren 8. Edizioan, desgaitasuna duten pertsonak gizarteratzeko lau ardatz garrantzitsu hauetan izandako berrikuntzak erakutsiko dira: teknologia berriak, laneratzea, turismo jasangarria eta kirol egokitua. Azoka horretan 30etik gora stand egongo dira, erakusleak elkarte, federazio, administrazio, enpresa eta desgaitasuna duten pertsonen eta beraien familien elkarteak izango direla; eta azken berrikuntzak eta lan munduan txertatzeko laguntzak eskainiko dituzte desgaitasuna duten euskal herritarren % 8 baino gehiagorentzat, eta baita ere pertsona horien bizi kalitatea hobetzeko hainbat konponbide. Ekitaldia antolatu duen Mash Mediako zuzendari Iker Knorr-ek esan duenez, “aurreikusi dugu 4.000 lagunek bisitatuko dutela Azoka bi egun hauetan, Ficoban lehen aldiz, 2015ean, egin zeneko antzeko kopurua.

Desgaitasuna duten pertsonen gizarteratzea errazteko, aipatu lau erronka nagusi horiei buruzko hitzaldiak egingo dira, eta pertsona hauek hartuko dute parte: Eusko Jaurlaritzaren Beti On Telelaguntza Zerbitzuko arduradunak, Gipuzkoako Foru Aldundikoak, FSC Inserta Fundaziokoak, Nerea Melgosa Gasteizko Udaleko enplegu alorreko zinegotzia, kirolari paralinpikoak, teknologia berrietan adituak diren enpresetako arduradunak, eta turismo jasangarriaren alorrekoak.
Maite Peña Gizarte Politikako diputatuak nabarmendu du “Oztoporik Gabe” Azoka “topaleku” bihurtu dela “gizarteratzea bizkortzeko” desgaitasuna eta mendekotasuna duten pertsonen eta haien familientzat; erakundeentzat, neurriak hartu eta legeak egiten dituzten aldetik, pertsona horien “egunerokoa errazteko”; eta enpresentzat, izan ere, haien aurrerapen teknologiko eta ikerketa departamentuei esker, posible egiten dute pertsona horien “irisgarritasuna eta bizi kalitatea hobetzea”.

“Gipuzkoa, besteak beste, erreferentzia dugu desgaitasuna duten pertsonen enpleguari dagokionez, Gureak eta Katea Legaiaren bitartez, EAE mailan enplegu babestuaren % 50ra iristen baita”, adierazi du Peñak, baita oroitarazi ere krisialdi garaian aipatu sektoreak “hazten jarraitu zuela enplegu eta jarduera aldetik, teknologia eta berrikuntza erabilita”. Gaineratu du, aurten Aldundiak eta Gureak Inklusio Fundazioak hitzarmena sinatu dutela desgaitasuna duten pertsonak funtzio publikora sartu daitezen bultzatzeko.
Halaber, Maite Peñak azaldu du Gizarte Politikako Departamenduak, Bizimodu independentea babesteko programa izateaz gain (“desgaitasun fisikoa izanik, besteren laguntza behar duten pertsonei zuzendua dagoena”), Aldundiak stand bat izango duela Etxetek ezagutarazteko, alegia, laguntza produktuen eta irisgarritasunaren programa, helburu duena laguntza behar duten “pertsonen autonomia eta bizi kalitatea hobetzea”, eguneroko jarduerak burutu ahal izateko
“Azken batean -laburbildu du diputatuak- Aldundian dugun helburua da Gipuzkoa “erreferente bihurtzea” berdintasun, ekonomia, genero, hizkuntza eta lurralde politiketan, eta Gipuzkoa “eredu” izatea desgaitasuna duten pertsonen lan-munduratzeari dagokionez”.

Lan munduan txertatzeko
Hitzaldi zikloarekin batera, Ficoban hogeita hamar enpresa eta erakunde izango dira, gutxi gorabehera, eta azken berrikuntzak eta lan munduan txertatzeko laguntzak eskainiko dituzte desgaitasuna duten euskal herritarren % 8 baino gehiagorentzat. Erakundeei dagokienez, Oztoporik Gabe Azokaren 8. edizioan parte hartuko dute Eusko Jaurlaritzak, Gipuzkoako Foru Aldundiak, Eusko Jaurlaritzaren Beti On Telelaguntza Zerbitzuak, eta Adinekoen eta Gizarte Zerbitzuen Institutuak (IMSERSO).

Desgaitasuna duten pertsonak ordezkatzen dituzten erakunde hauek hainbat estand jarriko diuzteOztoporik Gabe Azokaren edizio berri honetan: Aspace, Bida Osoa Elkartea, Kirol Egokituaren Euskal Federazioa; Gipuzkoako Gurutze Gorria; Síndrome Down Fundazioa; eta Euskal Gorrak-Pertsona Gorren Elkarteen Euskal Federazioa.
Parte hartuko dutela egiaztatu duten erakusketarien artean daude Ilunion eta Inserta, Once Fundazioaren menpeko entitateak; garun-kalteak tratatzen dituen Aita Menni ospitalea; eta Mikelan eta Obea ortopediak. Jasogailuen esparruan Novaf enpresa egongo da. Ibilgailu egokituen alorrean, aldiz, azken berrikuntzak aurkeztuko dituzte Ibilkom, Irrintzi Soluciones Adaptadas eta Rehatrans enpresek. Jantzi egokituen alorrean Gmk Confort egongo da, eta etxebizitza egokituen esparruan H20 Shower Design, Servicios Ubik eta Adom Autonomía.

Beste enpresa batzuk ere izango dira Azokan, hauek besteak beste: Travel-Xperience, bidaia egokituen agentzia; Equalitas Vitae, turismo egokituaren ataria; Pitxuflitos, umeen errehabilitazio zentroa; Infogeriatría aldizkaria; Kolorearekin, arte inklusiboaren plataforma; eta Kemen Kirol Kluba.
Mash Media-k antolatzen du desgaitasunaren arloan erreferente den euskal azoka hau, Euskal Jaurlaritzaren eta Gipuzkoako Foru Aldundiaren babesarekin.
Oztoporik Gabe Azokaren aurreko edizioak Euskalduna Jauregian, Bilbao Exhibition Centre-n (BEC) eta Gasteizko Iradier Arena gunean egin ziren.


Visualizada 73 veces
+ Añadir noticia   + Modificar/borrar noticia

Insertar un comentario

Texto:
Usuario: Anónimo
Usuario registrado Antes te tienes que registrar sino serás usuario anónimo
Acepto Aviso legal
Se han encontrado 0 comentarios. Mostrando de 1 a 0

0 comentarios