Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zinemaldiak Jacques Demy eta Amerikako Zinema Beltza omenduko ditu


2011-03-18 13:36

Azken belaunaldiko zinema txinatarrari eskainiko diotenak osatuko du ziklo ofizialei zuzendutako eskaintza.

2011ko irailaren 16tik 24ra egingo duten 59. Donostiako Nazioarteko Zinemaldiak bi ziklo tematiko batuko dizkio ohiko atzera begirako klasikoari.Honekin, programazio ofizialaren baitan hiru ziklo eskaintzeko ohitura berreskuratuko du.

Jacques Demy (1931 ?1990) zinegile franziarraren lanari buruzko atzera begirako oso bat eskainiko dio Zinemaldiak aurten. Genero musikala berritu dutenenen artean lekua duen zuzendaria nouvelle vague korronteari lotu zuten adituek. Baina moda eta korronte zinematografikoetan erori gabe ordea ibilbide original eta berezia landu zuen eta zinema abestua erabat berritu zuen bere lanarekin

Aurten egingo diren bi ziklo tematikoetako bat Amerikako zine beltzari eskainiko zaio. American way of death izenburuaren baitan 1990 eta 2010 urteak bitartean egindako generoko lanak ikusi ahal izango dira. Quentin Tarantino, Michael Mann, Abel Ferrara, Coen anaiak, Clint Eastwood, Spike Lee, David Lynch, Martin Scorsese eta David Fincher bezalako zuzendarien filmak hain zuzen ere. Reservoir Dogs (1992), Wild at Heart (Bihotz basatia, 1990) Millers Crossing (1990; Donostia Zinemaldian Zuzendari Onenaren Zilarrezko Maskorra), Seven (1995), Fargo (1996), Collateral (2004) edo Zodiac (2007) dira eskainiko dituzten lan batzuk..

Bigarren ziklo tematikoa azken belaunaldiko zinema txinatarrak osatuko du. Asiako herrialdean bizitzen ari diren aldaketak erakusten dituen zinearen egileek osatuko dute eta aro digitalak baldintzatutako zinema ikusi ahal izango da bertan. Honekin sortutako joera eta teknika berrien laguntzaz gauzatutako hainbat lan ikusi ahal izango dira bertan, besteak beste: Zhu Wenen Seafood (2001), Andrew Chengen Welcome to Destination Shanghai (2003), Liu Jiayinen Oxhide (2004), Peng Taoren Little Moth (2007), Emily Tangen Perfect Life (2008) edo Zhao Yeren Jalainur (2009).

Jacques



Informazio gehiago:Eitb: Zinemaldiak Jacques Demy eta Amerikako Zinema Beltza omenduko ditu

125 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin