Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zinemaldia, azken txanpan


2011-09-22 22:00

Rampart Oren Moverman zuzendariaren film berriaz gain, Marzianotarrak, Ana Katzen hirugarren film luzea, eta Bidegabeko mundua (Filippos Tsitos) aurkeztu dituzte lehiaketan.

Zinemaldia 2011 azken txanpan murgildu da, larunbatean jakingo baitugu zeintzuk diren aurtengo sarituak. Proposamenetako asko mahai gainean dira jada, baina oraindik badago zer aurkeztu Sail Ofizilean. Ostegun honetan, hiru izan dira proposamenak: Rampart Woody Harrelson eta Robin Wright protagonista dituen lana, Los Marziano eta Adikos kosmos. Oren Moverman, Ana Katz eta Filippos Tsitos dira ostegun honetan estreinatu dituzten lanen zuzendariak.

Anoetako belodromoan, berriz, Verbo filma eskaini dute. Eduardo Chapero-Jackson zinemagileak zuzendu du, eta Miguel Ángel Silvestre eta Alba García ditugu bertan protagonistak. Gainera, Nach abeslaria zuzenean aritu da bertan. Pelikulan parte hartu du Nachek, eta soinu bandan ere lagundu du.

Sail Ofiziala

Rampart Oren Moverman zinemagileak zuzendutako drama bat da, eta Woody Harrelson, Robin Wright, Steve Buscemi, Ben Foster, Sigourney Weaver, Anne Heche, Ice Cube eta Ned Beatty ditu protagonista. Eleberri beltzak idazten dituen James Ellroy idazle famatuaren istorioa du oinarri, eta muturreko egoeran Los Angelesen bizi den polizia gizon baten deskribapena egiten du.

Argentinako ekoizpena da Marzianotarrak. Ana Katz da lanaren zuzendaria, eta Guillermo Francella eta Arturo Puig ditu protagonista. Familia-giroko komedia gazi-gozoa dakarkigu Katzek, aspaldi haserretutako bi anaiaren istorioa kontatzeko: familia-ospakizun batean elkartzen direnean bi anaien artean sortuko diren tirabirak dira lanaren oinarri.

Bidegabeko mundua Filippos Tsitos zinemagilearen filma komedia dramatiko bat da. Bidezko mundu bat lortzearekin zeharo itsututa dagoen polizia gizon baten gora-behera arraroak kontatzen ditu

Rampart



Informazio gehiago:Eitb: Zinemaldia, azken txanpan

80 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin