Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zinebi berezia, EITBren eskutik


2011-11-03 10:58

Bilbon egingo den jaialdiaren edizio berrian EITBk lau film berri erakutsiko ditu.

Urtero bezala aurten ere Zinebi jaialdi bilbotarraren 53. edizioan egingo dituzten emanaldi bereziek EITBren laguntza izango dute. Proiekzio hauek euskal zinemagile berrien joera eta lanak ezagutzeko balio dute eta haien filmetan erakusten dituzten inguru historikoaren eta kulturalaren kodeak gertutik ezagutzen lagunduko digute.

EITBk lau filmetan parte hartu du, horietako hiru dokumentalak dira eta bat fikziozko lana:

Anfitroi berezia telebistarako fikziozko lana da. Eusko Jaurlaritzaren Kultura Sailaren laguntza izan du Javier Rebollok zuzendu eta María Eugenia Salaverriak idatzi duen lanak. Itsas ondoan dagoen etxe batean ostatu hartu duen arkeologi talde gazte baten eta hango zaindari misteriotsuaren arteko bizipenak biltzen ditu. Azaroaren 12an BBK aretoan ikusi ahal izango da, 20:00etatik aurrera.

Egoitz Rodriguez Oleak zuzendutako Zerutik sua dator dokumentalean gerrate zibilean bizkaiko hainbat herrik bizitako bonbardaketak erakusten ditu. Azaroaren 16an Bilboko Guggenheim museoko auditorioan eskainiko dute, 20:00etan.

J.A. Hergueta eta Olivier van der Zee zuzendariek El último magnate dokumentala erakutsiko dute. Horacio Echevarrieta enpresariaren bizitzari buruzko dokumentala azaroaren 17an emango dute Guggenheim museoko auditorioan, 20:00etan.

Travesía de Bilbao Antonio Cristóbalek eta José Miguel Azpirozek zuzendu duten lana da. Bertan, Bilboko gune ezberdinetatik zehar bidaia proposatzen dute horretarako Miguel de Unamuno, Blas de Otero eta Grabiel Aresti idazleen lanak baliatuz. Azaroaren 15ean Guggenheimeko auditorioan, 20:00etan.

El



Informazio gehiago:Eitb: Zinebi berezia, EITBren eskutik

135 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin