Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zigorra jaitsi diete Alakranaren bahiketagatik atxilotutakoei


2011-12-26 16:03

Zigor-aretoak absolbitu egin ditu osotasun moralaren kontrako delituagatik eta 439 urteko kartzela-zigorra izan beharrean, 403 urtekoa izango dute.

Auzitegi Gorenak 36 urte murriztu die kartzela-zigorra 2009an Alakrana euskal atunontzia bahitzeagatik atxilotu zituzten bi itsas-lapur somaliarrei. Hala, 439 urteko kartzela-zigorra izatetik 403 urtekoa izatera pasako dira.

Gaur jakinarazitako ebazpenean, absolbitu egin dituzte Cabdiweli Cabdullahi, Abdu Willy, eta Raageggesey Hassan Aji osotasun moralaren kontrako delituagatik.

Bahitutako batzuei fusilamendu simulazioak egiteagatik ezarri zieten zigor hori, baina gertatu zenean bi piratak jada atxilotuta zeudela ebatzi du epaitegiak.

Kideak atxilotu zituztelako mendeku gisa egindako ekintza izan zen, ontzia abordatu eta lauzpabost egunera, eta ez zegoen planifikatuta, Auzitegi Gorenaren ebazpenean agertzen denez. Hori horrela, delitua ezin zaiela bi piratei leporatu azpimarratu du auzitegiak.

Abdu Willy eta Raageggesey Hassan Alakrana bahitu eta biharamunean atxilotu zituzten 2009ko urrian. Atunontzi bermeotarra 47 egunez egon zen bahituta Somaliako kosta inguruan.

403



Informazio gehiago:Eitb: Zigorra jaitsi diete Alakranaren bahiketagatik atxilotutakoei

198 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin