Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zentral nuklearren bizitza 40 urtera mugatu nahi du Japoniak


2012-01-06 10:11

Nuklearren kudeaketa arautzeko asmoa du iragan martxoan Fukushima Daiichi zentralean gertatutako istripuaren ondorioz sustatuko proiektuak, planta hauen segurtasuna areagotze aldera.

Japoniako Gobernuak zentral nuklearren bizitza 40 urtera mugatzeko asmoa azaldu du, Kyodo agentziak azaldu duen legez. Zentral eta erregai nuklearren kudeaketa arautzen duen legea aldatzeko zirriborroaren barruan kokatu dute proiektua. Honenbestez, Japoniako planta batek izan behar duen bizitza zehaztu nahi dute lehenengoz.

Nolanahi ere, zentralen funtzionamendua luzatzeko aukera aurreikusten du proiektuak zenbait baldintza betez gero. Luzapen hauek onartu aurretik, Gobernuak instalazioaren higadura maila aztertuko luke, baita enpresak arlo teknologikoan mantenimendua bermatzeko duen gaitasuna ere.

Halaber, Gobernuak istripu larrien aurrean operadoreek hartu beharreko neurriak legez ezarri nahi ditu. Egun, Gobernuak zentralen operadoreen esku uzten dituzten mota honetako ezbeharren aurrean hartu beharreko neurri prebentiboak.

Hiru erreaktorek 40 urte dituzte dagoeneko

Japoniako 54 erreaktoreetatik hiruk berrogei urte dituzte: Fukushima Daiichiko bat (Japoniako ipar-ekialdean), Tsurugakoa (erdialdean) eta Mihamako beste bat (erdialdean).

Fukushima Daiichi zentralean izandako ezbeharrak, martxoaren 11n gertatutako lurrikara eta tsunamiaren ondorioz eragindakoa, milioi askoko kalteak eragin zituen nekazaritzan, abeltzaintzan eta arrantzan. Era berean, 80.000 lagun ebakuatu behar izan zituzten.

Fukushimako



Informazio gehiago:Eitb: Zentral nuklearren bizitza 40 urtera mugatu nahi du Japoniak

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin