Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zazpi lagun auzipetu dituzte ETA-FARC ustezko loturaren harira


2011-03-07 15:45

Thierry eta Ata ETAko ustezko kideak dira horietako bi, eta tartean dago Arturo Cubillas Venezuelara kanporatu zuten ETAko kidea ere.

Eloy Velasco epaileak talde terroristako kide izateagatik auzipetu ditu Francisco Javier Lopez Peña, Thierry, eta Mikel Carrera Sarobe, Ata, ETAko ustezko kideak eta Arturo Cubillas Venezuelara kanporatu zuten ETAko kidea ETAren eta FARCen ustezko harremana ikertzen duen auziaren baitan.

Auzitegi Nazionaleko epaileak gaur argitaratu duen autoan agertzen denez, Jose Lorenzo Ayestaran eta Jose Ignacio Olaskoaga ere auzipetu ditu lehergailuak edukitzea leporatuta, Iraitz Gesalagari ETAko informatika alorreko burua izatea leporatzen dio eta Iurgi Mendinuetari talde armatuarekin kolaboratzea.

Velascok atxilotzeko eta kartzelan sartzeko nazioarteko agindua eman du zazpi auzipetuen kontra.

Era berean, bertan behera utzi du Remedios Garcia Alberten eta Omar Arturo Zabala Padilla Lucas Gualdronen (FARCen Europako ordezkaria) kontrako prozedura, eta beste prozedura honetan sartuko ditu.

Epailearen arabera, Cubillasek (Venezuelari estradizioa eskatu zioten) 2004 eta 2008 artean etengabeko harremanak izan ditu ETA erakunde terroristako buruzagitzarekin eta martxan zeuden gainerako taldeekin, eta terroristak trebatzeko ekintzak zuzendu eta kudeatu ditu.



Informazio gehiago:Eitb: Zazpi lagun auzipetu dituzte ETA-FARC ustezko loturaren harira

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin