Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zapaterok eskerrak eman dizkio Rubalcabari PSOEren laguntzagatik


2011-08-31 17:40

Zapaterok funtsezko lana eskertu dio Rubalcabari, PPrekin adostutako konstituzioaren erreformarako alderdiaren ia ahobatezko laguntza lortzeagatik.


Gobernuko presidenteak, Jose Luis Rodríguez Zapaterok esan du konstituzioaren erreforma bat-batekoa izan dela, eta prozesua igarota, inoiz baino gertutasun handiagoa duela datorren azaroaren 20an izango diren hauteskundeetarako hautagai sozialista den Alfredo Pérez Rubalcabarekin.

Portugaleko lehen ministroarekin, Pedro Passos Coelhorekin izan duen prentsaurrekoan egin ditu adierazpen hauek, eta bide batez argi utzi nahi izan du CiUrekin elkarrizketa izango duela akordiorekin bat egin dadin. Hala ere, zorrotz esan du Nazionalista Katalanak proposatzen dituzten hainbat gauza erreforma proeiktuari gehitzeko zailak direla.

Alderdiaren barruan izan diren desadostasunengatik galdetuta, hain azkar eta bat-batean egin den erreforma batean eztabaidaren bizitasuna nabarian jartzea normala dela esan du Zapaterok. Hala ere, alderdiaren barruan ia ahobateko adostasuna egon dela eta hori Rubalcabari esker izan dela azpimarratu du. Eskerrak eman dizkio eta inoiz baino gertuago daudela adierazi du.

Proposamenaren eztabaidan atzo Kongresuan CiUko bozeramaileak, Josep Antoni Duran Lleidak esandakori buruz, Gobernuko presidenteak gaineratu du beti arretaz entzuten dituela parlamentarien hitzak. Zapaterorentzat, desadostasunak interpretazioarekin du zerikusia batik bat, zuzena ez den interpretazio batekin, erkidegoen autogobernuan eta finantza-autonomian erreformak izango duen inpaktuaren inguruan. Bere ustez, erreformak ez du boterearen banaketa territorialarekin zerikusirik, jada Konstituzioaren legean dagoena eramaterekin baizik, aurrekontuen egonkortasunaren printzipioa indartzeko, administrazio ororentzat agindua baita.

Gauzak bere onera bueltatzea eskatu du Zapaterok eta CiUrekin elkarrizketa egongo dela baieztatu du, nahiz eta Duranek proposatzen dituen hainbat gauza erreformaren prozesura gehitzeko zailak diren. Hala ere, tramitazioan akordioren batera iristeko ateak zabalik utzi ditu.

Dena den, diskurtso politikoetan adjektiboez ez abusatzeko eskatu du, atzo Duranek egindako agerraldia aipatuz, eta prozesu garrantzitsu honetan CiUren arduran konfidantza duela dio. CiUk harrotasunez nabarmentzen duen moderazioa mantentzea espero du.

Karta Magnaren aldaketak konfidantzarentzat eta Espainiaren egonkortasun eta etorkizunarentzat emaitza baikorrak izango ditu bere ustez, gainera babes handia izango du adostasunean egin delako.

Martxan jartzeko epeak oso bat-batekoak izan direla onartu du, baina Espainiak bizkortasun hau behar duela azpimarratu du.

Prozesua bukaeraraino eramatea Espainiarentzat garrantzitsua dela esan du,demokraziarentzat hain baliagarria izan den Konstituzioaren ikuspegi berarekin jarraitzeko. Orain erreforma oso baliogarria zaigu. Konstituzioan bizitzen ari gara eta eskaini ditzakeen onurak eta, kasu honetan, gure herrialdearen ekonomiaren sinesgarritasunean izan ditzazkeen onurak aprobetxatu behar ditugu.

Honengatik guztiagatik, eskerrak eman dizkie negoziaketan parte hartu eta erreforma hau babestu dutenei. Iritzi desberdina izan dutenei ere ulertzen diela esan die, nahiz eta ez duen irzipidearekin bat egiten.



Informazio gehiago:Eitb: Zapaterok eskerrak eman dizkio Rubalcabari PSOEren laguntzagatik

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin