Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Zapatero:Bat-egiteak kutxek eta Espainiako Bankuak erabakiko dituzte


2011-03-09 11:59

Gainera, euskal kutxen osasuna ona dela aitortu du. Bestalde, Gobernuko presidenteak iragarri du martxoan hobeak izango direla langabezia datuak.

Jose Luis Rodriguez Zapatero Espainiako Gobernuko presidenteak azpimarratu du euskal kutxak egoera onean daudela, baina haiei eta Espainiako Bankuari (berea da kutxen zuzendaritza gorena) dagokie bat-egiteen inguruan erabakiak hartzea.

Zapaterok Kongresuan egiten ari diren kontrol-saioan Josu Erkorekari (EAJ) emandako erantzuna da hori. EAJren bozeramaileak eskaria egin dio Zapaterori, BBKren, Kutxaren eta Vitalen bat-egitea babes dezala, Gobernuak jeltzaleen aldeko botoa izan nahi badu banketxeen kapitala indartzeko dekretu legearen bozketan.

Erkorekak azpimarratu du euskal kutxek kaudimen indize onenetarikoak dituztela Estatu mailan, baina horrek ez duela bat-egiteko prozesua galarazi behar. Era berean, buruzagi jeltzaleak Ramon Jauregui Presidentzia ministroaren adierazpen batzuk izan ditu hizpide, izan ere, Jaureguik irtenbide bakarra kutxen bat-egitea zela esan zuen.

Gobernuko presidenteak berretsi du kutxen berregituraketa prozesua bide onean dagoela, eta Jaureguik egindako adierazpenekin bat egiten duela.

Langabeziari buruzko datu hobeak martxorako

Gobernuko presidenteak esan du martxoan langabeziari buruzko datu hobeak izango direla ziur.

Horixe erantzun dio Zapaterok Mariano Rajoy PPren buruari otsaileko langabezia datuez galdetu diotenean.

Zapaterok espero du lan-erreformak bere fruituak emango dituela aurten bertan lanpostuak sortzen hasteko. Gainera, Gobernua gogor saiatzen ari dela berretsi du.

Zapaterok aitortu du otsaileko langabezia datuak ez zirela onak izan, baina iragan bi urteetakoak baino hobeak direla.



Informazio gehiago:Eitb: Zapatero:Bat-egiteak kutxek eta Espainiako Bankuak erabakiko dituzte

76 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin