Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Yemen, udaberri arabiarraren laugarren pieza


2011-11-24 08:42

Joan den urtarrilean arabiar herrialdeetan protestak hasi zirenetik erori den laugarren diktadore arabiarra dugu.

Hiru aldiz esana zuen Ali Abdula Saleh Yemengo presidenteak bazihoala baina hiruretan azken orduan atzera egin eta uko egin zion dimisioa emateko agiria sinatzeari. Oraingoan, ordea, sinatu du.

Joan den urtarrilean arabiar herrialdeetan protestak hasi zirenetik erori den laugarren diktadore arabiarra dugu. Lehendabizikoa Tunisiako Ben Ali izan zen, Saudi Arabian asiloa jaso zuena, ondoren Mubarak egipziarra erori zen, Egipton bertan auzipetu dutena. Hirugarrena Libiako Gadafi koronela, azkenean bere arerioek erahil zutena, eta orain Salehren dimisioa etorri da, buru belarri bere burua defendatzen saiatu dena.

33 urtez egon da boterean eta oraindik ere agintean jarraitzeko asmoa zuen ondoren bere semeetako bat jarriz. Baina herritarren altxamenduak galarazi egin dio.

Yemen izan zen hain zuzen ere Tunisian hasitako altxamenduaz kutsatu zen lehen herrialdeetako bat. Hamar hilabete luze joan dira, manifestazioz eta errepresioz betetakoak eta Salehren kontrako atentatu bat ere izan zen, hilzorian egon zena.

Gerra zibila lehertzeko zorian dago Yemenen, Armada bera ere bitan zatitu delako, Salehren aldeko eta kontrakoen artean, eta bi aldeen arteko enfrentamentuak izan dira.

Adostu duten irtenbidearen arabera, oraingoz Hadi presidenteordeak hartuko du boterea, Salehren hurbilekoak, militarrak euren kuarteletara itzuliko dira eta otsailean presidentea aukeratzeko hauteskundeak egingo dira. Dena den, ez da erraza izango Salehren agintaldi luzeak utzi dituen zauriak sendatzea.

Jesus



Informazio gehiago:Eitb: Yemen, udaberri arabiarraren laugarren pieza

59 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin