Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Xabier Iturbe: Ekonomia arlo guztietan geldituta dago


2012-01-11 09:51

Xabier Iturbe Kutxako presidenteak egoera latza eta gogorra dela berretsi du. Geldirik gaude, eta ez dugu ikusten noiz jarriko garen martxan, adierazi du.

Xabier Iturbe Kutxako presidenteaEuskadi Irratiko Albiste Faktorian izan da eta martxan jarri berri den Kutxabanki buruz aritu da, baita ekonomiaren aurreikuspenei buruz eta Kutxaren erronkei buruz ere.

Kutxabankek ekarriko duenaren inguruan, Iturbek azaldu du hiru entitate bakarrean bilakatzeak, sendoago eta handiago egingo dituela.

Baina Administrazio Kontseiluaren osaketarekin sortu den polemikaren inguruan ere hitz egin du. Marin Garitano Gipuzkoako ahaldun nagusiak Kutxanbanken Administrazio Kontseiluaren oskaketaren aurka egin ostean eta bide judiziala ere aipatu ostean, Iturbek adierazi du keinu politikoa dela eta ez duela inongo eraginik.

Gizarte ekintzaren inguruko erabakietan, Kutxabankek gizarte ekintzen inguruko erabakiak nola kudeatuko dituen galdetuta, Iturbek adierazi du hori ez delai ntegratu, Gipuzkoatik kudeatuko dugu guk, eta Kutxabanketik Euskal Herriko priektu globalak koordinatuko ditugu. Lehentasunen artean, Kutxak orain arteko zutabe nagusiekin jaraituko duela adierazi du: osasuna Onkologikoarekin, zientzia Inbiomed eta Kutxaespazioarekin, ikerketa eta kultura. Baina krisi garaian, murrizketa handienak gizarte ekintzan izaten dutela eragina onartu du Kutxako presidenteak.

Kutxen legearen tramitazioen inguruan, Xabier Iturberen ustez premiazkoa eta beharrezkoa da, izan ere, Eusko Jaurlaritza urte eta erdiko atzerapenarekin doala esan du,2010 urte amaierarako jada onartu egon beharko litzateke.

Ekonomiaz ere mintzatu da Iturbe. Confebasken aurreikuspenen arabera, euskal ekonomia % 0,4 haziko da aurten eta langabezia % 11,5era iritsiko da. Panorama gogorra eta latza dela esan du Iturbek, eta Europan dagoen arazoa, bai euroarekin bai zor subiranoarekin ere, eragina izaten ari dela esan du.

Konfebaskek ere banketxeei kritika gogora egin die azkenaldian, maileguak ez enpresei ezta familiei ere ez emateagatik. Inork kutxak maileguak ematera behartu beharko lituzkeen galdetuta, Iturbek adierazi du zehazki Kutxan eskaerak asko jaitsi direla, ez dagoela hipotekarik, eta enpresa munduan ere ez dagoela inbertsiorik.

Mendiak atzo berretsi zuen Eusko Jaurlaritzak ez duela atzeraldirik aurreikusten, eta Kutxarenen prebisioen arabera, iturbek esan du 2011 urteko udaratik gaur egunera, ekonomia geldituta dagoela, arlo guztietan. Gu geldirik gaude, eta ez dugu ikusten noiz jarriko garen martxan, adierazi du.

Kutxaren erronka nagusia ekintzako plan estrategikoa zehaztea dela berretsi du Iturbek. Espainiako gobernuak jada iragarri du sektore finantzieroa berrantolatuko duela. Horrek gure etekinak zintzilik ezarriko ditu eta guk zer egin erabaki beharko dugu, datozen hilabeteetan ikusiko du eta horregatik, oso garrantzitsua da Kutxabankeko kontseiluan denak egotea, esan du.

Xabier



Informazio gehiago:Eitb: Xabier Iturbe: Ekonomia arlo guztietan geldituta dago

145 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin