Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Xabier Gereño idazle eta ohorezko euskaltzaina hil da


2011-04-08 14:55

Euskal Irrati Telebistako lehen Administrazio-Kontseiluko kide izan zen.

Xabier Gereño idazle eta ohorezko euskaltzaina ostiral honetan hil da, Bilbon, 86 urte zituela. Euskal Irrati Telebistako lehen Administrazio-Kontseiluko kide izan zen, eta euskaltzain ohorezkoa zen 1998tik.

Xabier Gereño Arrartek (Bilbo, 1924 - Bilbo, 2011) eleberri ugari idatzi zituen, eta batez ere genero beltza landu zuen. Txistulari, Karmel, Zeruko Argia, Dantzari (berak sortu zuen), Anaitasuna, Aizu!, Bilbao eta El Mundo agerkarietan, besteak beste, eman zituen argitara bere idazlanak.

Euskal abesti berrien txapelketa eratu zuen Bilbon 1965. urtean, baina agintariek debekatu egin zuten. Txapelketa horretan Benito Lertxundik eta Lourdes Iriondok hartu zuten parte, besteak beste. 1950eko hamarkadan Biarritzeko eta Baionako udalekin batera, hainbat jaialdi antolatu zuen Ipar Euskal Herrian ere. Euskal Herriko Txistularien Elkarteko sortzaile ere izan zen. San Anton orfeoia sortu zuen taldeko partaidea ere izan zen.

Cinsa liburu eta disko argitaletxearen zuzendaria izan zen ere. Argitaletxe horren helburua honako hauxe zen: euskal kulturaren aldeko ekintzak zabaltzea, musika bereziki, merkatal enpresen egitura erabiliz. Cinsak 42 disko argitaratu zituen, bai eta liburu batzuk ere. 1968. urtean, espetxeratu zuten; arrazoia hauxe izan zen: Julen Lekuonaren Ez, ez dut nahi kantak behar zuen baimenik ez zuen eskuratu, eta Gereñok 15 egun eman zituen kartzelan. Hau izan zen bere bizitzan atxilotu zuten bigarren aldia, lehenengoa hogei urte lehenago gertatu baitzen, 1948an, orduan euskara irakasteko akademia sortu nahi izan zuelako.

1980tik 1988 arte Euskaltzaindian lan egin zuen, erakunde honetako kontabilitatea antolatuz, eta euskarazko ereduak sortu zituen. Eredu hau beste enpresa askorentzat balio handikoa izan zen.
Euskaltzaindiak 1965eko irailaren 24an izendatu zuen euskaltzain urgazle. Euskaltzain ohorezko, berriz, 1998ko apirilaren 24an izendatu zuen.



src=http://www.eitb.com/multimedia/images/2010/02/18/246197/246197_2845_detalle_1.jpg/



Informazio gehiago:Eitb: Xabier Gereño idazle eta ohorezko euskaltzaina hil da

289 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin