Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Woody Allenek hasiera emango dio Canneseko zinemaldiari


2011-05-11 08:42

Midnight in Paris filmak irekiko du aurtengo edizioa. Bernardo Bertoluccik jasoko du Ohorezko Urrezko Palmondoa eta Robert de Niro izango da epaimahaiko presidentea.

Canneseko zinemaldiko 64. edizioa maiatzaren 22ra bitartean egingo dute eta Woody Allenen Midnight in Paris filmak irekiko du.

Komedia erromantikoa da Estatu Batuetako zinema zuzendariaren azken lana. Joan den urtean filmatu zuten, Parisen, eta Owen Wilson, Rachel McAdams, Marion Cotillard, Kathy Bates, Adrien Brody, Gad Elmaleh eta Léa Seydoux ditugu aktoreen zerrenda.

Ostiral honetan estreinatuko da geurean Midnight in Paris.

Bernardo Bertoluccirentzat, Ohorezko Urrezko Palmondoa

Bernardo Bertolucci zuzendari italiarrak jasoko du aurten Canneseko zinemaldiko Ohorezko Urrezko Palmondoa. Asteazken honetan izango da, inaugurazio ekitaldian. Besteak beste, Prima della Revoluzione (1964), Novecento (1976), Il Conformiste (1970) eta El Ultimo Emperador (1987) filmeen egilea da Bertolucci.

Almodovar, Urrezko Palmondoa lortzeko lehian

Pedro Almodovar Canneseko zinemaldian lehiatuko da Urrezko Palmondoa eskuratzeko, La piel que habito bere lan berriarekin. Aurten lehian arituko diren 19 lanetako bat da zuzendari espainiarrarena, eta zinemagile beterano zein gazteak izango ditu aurrean. Besteak beste, Lars von Trier, Nanni Moretti eta Aki Kaurismäki zuzendarien azken lanak izango dira aurten Sail Ofizialean: Von Trier daniarrak Melancholia aurkeztuko du, Morettik Habemus papam eta Kaurismäkik La Havre.

Gainera, antolatzaileek jakinarazi dutenez, Almodovarren emakumezko aktore fetixeetako bat, Penelope Cruz, La Croisetten izango da, Pirates of the caribbean: on stranger tides filma lehiaketatik kanpo aurkezteko.

Robert de Niro, epaimahaiko presidentea


Informazio gehiago:Eitb: Woody Allenek hasiera emango dio Canneseko zinemaldiari

66 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin