Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

We Are Standard, hazten ari den taldea


2011-11-21 07:26

Bost kanturekin osatutako Great State disko motza kaleratu dute getxoztarrek gaur bertan.

Bere lekua aldarrikatu du We Are Standardek Europako eta AEBetako musika eszenetan. Ezinbestekoa bilakatu da indie edo musika alternatiboaren mugimenduan. Hala ere, oraindik ez da bere gorenera heldu.

Getxoztarrak bueltan datoz material berriarekin. Hiru urtez kanta propioekin diskorik atera gabe egon ostean, gaur jarri dute salgai Great State, hurrengo astelehenean. Bost kantako disko motza izango da. Dance-psikodelia nahasketa dakarte oraingo honetan, We Are Standarden zuzenekoetan beti bezala, jendea dantzan jartzeko.

Datozen kontzertuetan aurkeztuko dituzte Great State diskoko kantak. Abenduaren 3an, Bartzelonan joko dute; 7an, Madrilen; eta 30ean, Euskal Herrian izango ditugu, Bilboko Fever aretoan hain zuzen ere.

Energia eta giro ona transmititzen du Great State diskoak. Deu Txakartegi We Are Standardeko abeslariaren arabera taldekideen egoera emozional eta fisikoaren isla dela, ?egoera on? baten isla. Badira bi urte musikaren mundutik bizi direla eta ziztu bizian famaren hodei goxoetara salto egin zutela. ?Disko berri bat, etapa berri bat? da We Are Standardentzat, eta onartzen dute zerbait berria lortu nahi zutela azken lanarekin. ?Aldaketa bilatu eta topatu dugu. Hobetzen jarraitu nahi dugu, ikasten eta hazten jarraitu?, baieztatu du Deuk.

Ez dira adrenalinaren atzetik joan disko honetan, ?zerbait musikalagoa, osoagoa? nahi zuten taldekideek. Ahotsak asko zaindu dituztela adierazi du Deuk: ?Ñabardurak eta melodiak asko landu ditugu?. Soinua garatzeko, Londreseko Andy Gill produktorearen ekarpena azpimarratu dute We Are Standardekoek.

?07.45 (Bring Me Back Home)? da Great State diskoko lehen singlea. Aurrerapen gisa zabaldu egin dute eta Gaztean entzuteko aukera dago. Deuren esanetan, ?zenbait gauzarekin kontzienteago zaren sentsazioa? jorratzen du kantuak, eta diskoaren espiritua hoberen islatzen duen abestia da.

Standard taldea 2002an sortu zuten Getxon eta 2008an We Are Standard izena jarri behar izan zioten, AEBetako talde batek izen bera zuelako. Gaur egun hauek osatzen dute: Deu Txakartegi (ahotsa eta baxua), Juan Escribano (gitarra eta koruak), Jon Aguirrezabalaga (gitarra), Javi Letamendia (bateria) eta D. W. Farringdon. Javi bateria jotzailea El Inquilino Comunista taldeko kidea izan zen, indie estiloaren aitzindariak Espainian.

Punk-funk edo dance-rock musika estiloak jorratzeari ekin zioten hasieratik. Musika dantzagarria, inguruan aurrekari eta arrakasta gutxikoa garai hartan. Bi bateria eta oinarri elektronikoekin berrikuntza eta doinu berriak ekarri zituzten euskal agertokietara.

2004an kaleratu zuten ?Golden Section? lehenengo maketa, hiru kantuko disko motza. Maketa horri esker, 2005eko Benicàssimeko FIB musika jaialdiko talde gazte onenaren saria eskuratu zuten bizkaitarrek eta Mondo Sonoro aldizkariak, urteko maketa onenaren saria eman zien.

Lehen grabazio horrek Frantzian, Belgikan eta Holandan jotzeko aukera eman zien eta Mushroom Pillow diskoetxe independentean sartu ziren. Etxe horrekin atera zuten lehen disko luzea 2006an, oraindik ere Standard izena zutela: ?3.000V 4.000 W?. Frantzian eta AEBetan ere argitaratu zuten diskoa. Arrakasta itzela lortu zuten diskoarekin komunikabide eta publiko aldetik. 100 kontzertu baino gehiagoko aurkezpen bira egin zuten Espainiatik eta Europako gainerako herrialde

Informazio gehiago:Eitb: We Are Standard, hazten ari den taldea

119 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin