Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Urola-Kostan gas-berrikusketetan egin dituzten maulez ohartarazi dute


2012-01-18 15:07

Oraingoz lau pertsona inputatu dituzte beharrezkoak ez diren berrikuspenengatik edo pieza aldaketengatik gehiegizko prezioa kobratzea leporatuta.

Urola Kosta eskualdean gas-berrikusketetan ematen ari diren maulen inguruan ohartarazi du Ertzaintzak eta lau pertsona inputatu ditu.

Baimenduta ez dauden pertsonek edo enpresek egindako gas-instalazioen berrikusketa ilegalekin erlazionatutako maula-kasu berri bat aztertzen ari dira, Herrizaingo Sailak jakitera eman duenez.

Berrikusketengatik gehiegizko prezioak kobratzean edo beharrezkoak ez diren pieza-aldaketak egitean oinarritzen da maula. Ertzaintzak pertsona nagusiak batez ere ohartarazi nahi ditu, baserri zein hiri zonaldetan.

Teknikari ilegal horien jokabidea oldarkorra omen da, eta pertsona nagusien bizilekuetara joaten dira normalean eta gas-instalazioaren berrikusketa bat egin behar dutela esaten diete.

Iruzurrezko konponketan, ondo dauden piezak aldatzera hel daitezke, fakturaren prezioa igotzeko; 100 edo 200 euro ingurukoa izaten da normalean. 2011 urtearen amaieran, erabiltzaileei maula egiten zion enpresa bateko pertsonala identifikatu zuen Ertzaintzak (Burgosen zuten egoitza). Orduan, antzeko kasuengatik salaketak jaso ziren Zestoan, Deban edo Gernikan.

Irregulartasun-mota hauen aurrean erne egotea gomendatzen du Ertzaintzak. Egiaztatutako zerbitzu-tekniko ofizialek baino ezin dituzte egin berrikusketa hauek; arruntena da bizilekuaren jabeak zerbitzu hau kontratatzea eta langileek instalazioaren mantenua egin baino lehen abisatzea.



Informazio gehiago:Eitb: Urola-Kostan gas-berrikusketetan egin dituzten maulez ohartarazi dute

92 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin