Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Urkulluk EAJ iraintzea leporatu dio PSEri


2011-06-13 09:53

Erabat gezurtatu du Bildurekin ituna zutela. Bestalde, EAJren presidenteari ez zaio gustatu bere alderdiak Lasarte-Orian Bilduren alkateari babesa eman izana.

Iñigo Urkullu EAJren presidenteak PSE-EEren irainak salatu ditu, jeltzaleen eta Bilduren artean udalak banatzeko ezkutuko ituna zutela esan zutelako.

Urkulluk Radio Euskadin egin dioten elkarrizketa batean azaldu duenez, PSE-EEren hauteskundeetako emaitzak disimulatzeko estrategia bat izan da.

Buruzagi jeltzaleak gogorarazi du larunbatekoa astelehenean ezarritako irizpide orokorra zela, beraz, erabat gezurtatu du Bildu koalizioarekin akordioren bat zutela.

PSE-EEri zuzendu zaio eta esan dio ezin dela euskal gizartearen ordezkaritza alde batera utzi behar. Azken 10 urteetako erakundeen argazkia benetakoa zela pentsatzen zuenak hanka sartu du.

Horren harira, hauteskundeek agerian utzi omen dute PPk eta PSE-EEk euskal gizartearen % 30 soilik ordezkatzen dutela. Hori horrela, hauteskundeak aurreratzeko eskaria berretsi du.

Lasarte-Oria

Urkulluk Lasarte-Oriako kasua izan du hizpide. Udal horretan EAJk Bilduren alkategaiari eman zion botoa, alderdiaren irizpidearen kontra, eta buruzagi jeltzaleak esna du ez zitzaiola gustatu osoko hartan gertatutakoa. Urkulluk esan du Lasarte-Oriakoa apartekoa bada ere, ezin dela alderdiaren araua hautsi. EAJko zinegotzi lasartearren kontra har ditzaketen neurriei buruz galdetuta, gaur arratsaldean batzar nazionala dutela eta orduan ikusiko dutela erantzun du.

Iñigo



Informazio gehiago:Eitb: Urkulluk EAJ iraintzea leporatu dio PSEri

101 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin