Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Urkullu: Lehendakariaren mezua promoziozko bideoa zirudien


2012-01-01 12:43

Iñigo Urkullu EAJren EBBko presidentearen ustez, lehendakariaren mezua agortuta dagoen legegintzaldiaren ziurtagiria da.

Lehendakariaren Gabon Zaharreko mezuak promoziozko bideoa zirudien EAJren EBBko presidentearen ustez, agortuta dagoen legegintzaldiaren ziurtagiria da. Patxi Lopezen apaltasun eza kritikatu du Urkulluk eta besteei zereginak jartzea aurpegiratu dio.

Komunikabideen aurrean Durangon (Bizkaia) egin duen agerraldian, jeltzaleen buruzagiak bideo promozionalaren aurrean zer esan ez dakiela gelditu dela esan du, lehendakari baten mezua baino, hauteskunde kanpainako iragarkia zirudien, gaineratu du.

Bere ustez, Euskadik lidertza gehiago behar du, elkarbizitzaren eta aro berriaren alde lan egiteko.

Ausarta izatea eskatu dio Urizarrek lehendakariari

Bestalde, Pello Urizar EAKo idazkari orokorrak ausarta izatea eskatu dio lehendakariari, baita prozesuari ekarpenak egitea ere. Urte zaharreko mezua kritikatu du Urizarrek gatazka poltikoari egiten dizkion erreferentzia eskasengatik, eta ETA ez dagoen garai honetan arazo politikorik ez dagoela pentsatzeagatik.

Patxi Lopezen agerraldia, Lehendakaritza amortizatuta dagoela uste duenarena dela esan du Urizarrek ohar baten bitartez, baita soilik hauteskundeak deitzera zain dagoenarena ere.

Dezepzionatuta dagoela esan du, izan ere, bere ustez, agerraldi ofizialean gatazkaren irtenbidearen inguruan hitz egin beharko luke lehendakariak. Ausardia falta izan zaiola ematen du, gaineratu du.

Gatazka poltikoaren erreferentziak eskasegiak izan dira Pello Urizarren ustez, eta ETA ez dagoen garai honetan, arazo politikorik ez dagoela eman nahi du aditzera, nahiz eta badakien, arazo politikoak indar gehiago duela ETAren indarkeria ez dagoen garai honetan.

Beste batzuetan, Patxi Lopezek legalizazioari eta presoak hurbiltzeari buruz hitz egin duela gogoratu du Urizarrek, baina urte zaharreko mezuan, 2012ko agenda markatuko duten gaiak urrutitik aipatu dituela uste du.




Iñigo



Informazio gehiago:Eitb: Urkullu: Lehendakariaren mezua promoziozko bideoa zirudien

217 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin