Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Urkullu: Ezker abertzaleak ETAren biktimei aipu berezia zor die


2012-02-24 12:49

Gaitzetsi ezin badute, une honetan gutxienez ondokoa argi esan dezakete: ETA, sobran zaude, behin betiko paretik kendu behar zara, adierazi du EAJren buruzagiak.

Iñigo Urkulluk ezker abertzalek igande honetan Donostiako Kursaal Jauregian egingo duen ekitaldia izan du hizpide. EAJren presidenteak uste du ezker abertzaleak kapitulu propioa eskaini behar diela ETAk eragindako biktimei, gai hori beste eduki batzuen artean ezkutatu beharrean.

Gainera, ETArengandik bereizteko eskatu dio: Terrorea eragin dutenengandik banatu egin behar dira eta ETAri sobran dagoela eta paretik kendu behar dela esan behar diote, erantsi du.

Europa Press agentziari egindako adierazpenetan, datorren igandeko ekitaldian ezker abertzalea hitzetatik ekintzetara igaro behar dira. Egiaren Batzordeak bezalako amuak aurkezteari uko egin behar dio, azaldu du.

Urkulluren iritzian, ezker abertzaleak autokritika sakona egin behar du, eta orain behin betiko bake justuaz hitz egiten hasi badira ere, gogoratu behar da euskal gizarteak urtea daramatzala kontzeptu hori aldarrikatzen.

Horrez gain, behin betiko bake justuaren alde, EAJ bezalako zenbait alderdi ezker abertzaleari bidea garbitzen ari gara, nabarmendu du.

Ezker abertzaleak ETAren 30 urteotako historia gaitzetsi ezin badu, behingoagatik terrorea praktikatu dutenengatik bereizi beharko litzateke eta ondokoa bezain gauza sinple bat argi esan: ETA, sobran zaude, behin betiko paretik kendu behar zara, azpimarratu du.


Iñigo



Informazio gehiago:Eitb: Urkullu: Ezker abertzaleak ETAren biktimei aipu berezia zor die

73 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin