Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Urdangarin autoan sartuko da epaitegira, segurtasun arrazoiengatik


2012-02-24 18:56

Larunbat goizean hasiko da deklarazioa, 09:00etan, baina igandera arte luzatu daiteke, iturri judizialek jakitera eman dutenez. Gaua Marivent jauregian egingo du, Cristina infantarekin batera.

Iñaki Urdangarinek epailearen aurrean deklaratuko du larunbatean Palma Arena auziko inputatu gisa. Segurtasun arrazoiengatik, azkenean autoan sartuko da epaitegira, eta ez oinez, ohikoa den bezala.

Ostiral arratsalde honetan baieztatu du Balear Irletako Justizia Epaitegi Gorenak. Bertako Polizia Buruzagitzak eskatutako neurria izan da, eta, ohar batean jakinarazi dutenez, ohiz-kanpoko neurria hartzea erabaki du Palmako epaile dekanoak, segurtasun arrazoiengatik.

Palma Arena auzia ikertzen ari den Jose Castro epailearen aurrean deklaratzeaz gain, fiskalen eta 50 bat abokaturen aurrean egin beharko du agerraldia Urdangarinek, Nóos Insitutuari egotzi dizkioten ustezko irregulartasunen berri emateko. Larunbat honetako hitzordura auzian inputatuta dauden guztien abokatuak joango dira, 60 bat pertsona, eta horiek guztiek ere galdeketa egin ahal izango diote Urdangarini. Hori dela-eta, agerraldia igandera arte luzatu daitekeela uste dute iturri judizialek.

Bi urte eman dituzte Nóos institutuaren jarduerak ikertzen, eta orain bi hilabete iragarri zuten Urdangarinen inputazioa. Errege Familiako lehen auzipetua da Palmako Dukea.

Dokumentuak faltsutzea, prebarikazioa, Administrazioari iruzurra egitea eta diru publikoa bidegabe erabiltzea dira Palma Arena kasuko pieza honetan ikertzen ari direna.

Cristina infanta Urdangarinekin batera egingo du bidaia ostiral honetan Palmara. Bihar, Marivent jauregian emango du goiza, senarrak epaile aurrean deklaratzen duen bitartean. Palmako Dukeek bertan duten Son Vent egoitzan emango dute gaua (Marivent jauregian alboan). Urdangarinen deklarazioaren ondoren Madrilera, Zartzuela jauregira, itzultzeko asmoa omen dute.

Estatu mailako zein nazioarteko 60 komunikabideetako 350 kazetari akreditatu dituzte agerraldia jarraitzeko.

Mario Pascual Vives bere abokatuarekin joango da Urdangarin epaitegira, goizeko 09:00etan.



Urdangarin



Informazio gehiago:Eitb: Urdangarin autoan sartuko da epaitegira, segurtasun arrazoiengatik

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin