Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

UPyD: Lehendakaria Otegi espetxeratzearen aurka azaltzea, ulertezina


2012-02-20 12:37

Ulertezina da UPyDrentzat Patxi Lopez lehendakaria Arnaldo Otegi espetxean egotearen aurka azaltzea.

Rosa Diez UPyDko buruzagiarentzat ulertezina da lehendakariak gizartearen nahia aipatzea Arnaldo Otegi espetxetik ateratzearen alde azaltzeko.

Rosa Diez UPyDko buruzagiarentzat izugarria eta demokraziarentzat ulertezina da Patxi Lopez lehendakariak legea aipatu beharrean, gizartearen nahia aipatzea Arnaldo Otegi espetxetik ateratzeko eskaera defendatzeko.

Lehendakariak Garan egindako elkarrizketaren inguruan mintzatu da Diez, izan ere, bertan Otegiren kartzelatzea euskal gizartearen nahiaren aurkakoa dela esan zuen.

Otegi auzitegi batek horrela epaitu duelako dago espetxean, azpimarratu du UPyDko buruzagiak, eta legediaren eta demokraziaren aurrean, lehendakariak ezin dituela euskaldunen sentimentuak aipatu ohartarazi du, are gehiago, euskal gizartearen iritziak era askotarikoak direnean.

Bestalde, Iñaki Oyarzabal EAEko PPren idazkari orokorraren adierazpenak kritikatu dute, Diezi fidagarria ez izatea, eta ETAren indarkeriaren amaierarekin interes poltikoak bilatzea egotzi baitzion.

Gu iraintzen denborarik ez galtzeko eskatu nahi diet, horrelako gauzek ez gaituztelako isilaraziko, esan du Diezek. PPk aurretik inoiz ez ziela horrelako kritikarik egin azpimarratu du, agian horrelako gauzak orain arte eurei esaten zizkietelako.

Gainera, bere alderdiak Gobernuari egindako Bilduren eta Amaiurren ilegalizaziorako eskaera defendatu du, nahikoa seinale daudelako bi alderdiek ETAren ekintzak legitimatzen dituztela.

Rosa



Informazio gehiago:Eitb: UPyD: Lehendakaria Otegi espetxeratzearen aurka azaltzea, ulertezina

44 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin