Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

UPNk dio leiala izango dela PSNrekin, baina sozialistak ez dira fio


2011-09-05 13:52

Bilduk, bere aldetik, izututa ikusten ditu Nafarroako eta Espainiako eskuindarrak, abertzaleen, aurrerakoien eta ezkertiarren batasunagatik.

PSNk ohartarazi du Yolanda Barcina UPNren eta Nafarroako Gobernuaren presidentea arrisku handia hartzen ari dela hauteskunde orokorretarako PPrekin balizko aliantza bat egitea proposatzean, baina Alberto Catalan UPNko buruzagiak erantzun du leialak izango direla PSNrekin.

Oraindik PPrekin akordiorik ez dutela lotu azpimarratu ondoren, Catalanek esan du arriskatua izango litzatekeela UPNk eta PPk hauteskunde orokorretarako ituna egiteak UPN-PSN Gobernuari kalte egingo diola esatea, izan ere, UPN eta PSN elkar ulertzera behartuta daude Nafarroan.

Hori horrela, UPN leiala izango dela hitz eman du, Nafarroaren interes orokorra alderdiaren gainetik dagoelako. Hortik aurrera egiten diren akordioak errespetu eta leialtasun horretan oinarrituak izango direla gaineratu du.

Sozialistentzat, ordea, Barcinaren asmoak agerian uzten du arrisku handia hartzen ari direla eta Juan Jose Lizarbe bozeramaileak uste du horrek UPNren baitan iskanbila handia sortu duela.

Horren harira, Barcinak Nafarroa gobernatzeko ardurari uko egin eta politika nazionalean jolastu nahi duela esan du Lizarbek, eta jarrera hori krisi garaian ez dela egokiena kritikatu du.

Ziurrenik gaur arratsaldean aztertuko du UPNk Barcinaren proposamena, baina Santiago Cervera Nafarroako PPren presidentea baikor agertu da eta hauteskunde-koalizioa sortzeko bileraren bat egitea espero du.

Cerveraren esanetan, itun horrek ez du zertan UPN-PSN Gobernua baldintzatu, baina Nafarroako beharrei aurre egiteko Gobernu desegokia dela esan du, PSNren presentzia baztertu egin daitekeela uste baitu.

Maiorga Ramirez Bilduren Nafarroako bozeramaileak, bestalde, izututa ikusten ditu Nafarroako eta Espainiako eskuindarrak, abertzaleen, aurrerakoien eta ezkertiarren batasunagatik.



Informazio gehiago:Eitb: UPNk dio leiala izango dela PSNrekin, baina sozialistak ez dira fio

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin