Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Unda Soria eta De Guindos ministroekin bilduko da gutxi barru


2012-01-23 12:10

Industria sailburua gustura agertu da turismoaren sektoreak EAEn izan duen gorakadarekin, bi urtetan % 17 hazi baita bisitari kopurua.

Bernabe Unda Industria sailburuak iragarri du gutxi barru, datorren astean ziurrenik, Jose Manuel Soria Industri ministroarekin eta Luis de Guindos Ekonomia eta Lehiakortasun ministroarekin bilduko dela.

ETB-2ko Egunon Euskadi saioan egin dioten elkarrizketa batean Undak azaldu duenez, Industria ministroaz gain, De Guindosekin ere elkartuko da, lehiakortasunaren barruan sartzen baita enpresen nazioarteratzea, teknologia berrikuntza eta enpresen finantziazioa.

Undak aitortu du lehenengo lauhilekoko egoera zaila izango dela EAEn ekonomikoki eta Euskadi krisiaren aurrean ongi ari dela eusten adierazi du.

Unda gustura agertu da turismoaren sektoreak EAEn izan duen gorakadarekin, bi urtetan % 17 hazi baita bisitari kopurua.

Dendak jai egunetan irekitzearen inguruan, Undak neurri horren kontra manifestazioak egiteko eskubidea aitortu die sindikatuei, baina irekitzeko eskubidea galaraztea salatu du, hori baita egiten ari direna.

Bestalde, Industria sailburuak berretsi du Arabako Lautadan gasa ateratzeko proiektuaren epeek bere horretan dirautela. Hori horrela, aurten eta datorren urtean aztertu egingo dituzte ustiategiak eta ondorioak positiboak badira, ustiatzeko baimenen eskaria egiteko aukera emango da hiru urte barru.

Proiektuaren kontra dauden ekologisten harira, lur azpian 30.000 euro eduki eta ez ustiatzea arduragabekeria izango litzatekeela azpimarratu du sailburuak.

Bernabe



Informazio gehiago:Eitb: Unda Soria eta De Guindos ministroekin bilduko da gutxi barru

32 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin