Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Unai Manterola Orioko apaiza eta Ihintza Irizar, Hitzetik Hortzeran


2011-05-13 08:46

Lasarte-Oriako udaberriko saioan Belle Epoque-a oroitu dute

Unai Manterola gaztea Orio eta Aiako apaiza da eta bertsotarako zaletasun handia du. Egunero egiten du Orioko Errikotxia bertso-eskolatik jira kanturako eta kantuan ikasi nahi dutenei irakasteko. Gainera Orioko bertsolariek jokatu ohi duten herriko txapelketan ere parte hartzen du. Bera izango du asteon hizketa-lagun Jon Artano Izeta aurkezleak. Ez dira bakarrik izango. Programaren azken txanpan, Ihintza Irizarek G puntuari eskainitako atalean, Orion abiatu den Gipuzkoako Txapelketako lehen bi saioetako bertsorik onenak ekarriko dizkie.

Orioko balea eta Zarauzkoa
Zuri-beltzekoan 1969ko irailera egingo dute, Fernando Aire Xalbadorri Donostian egindako omenaldira. Inazio Eizmendi Basarrik Urepelgoari kantatutako pare bat bertso beztitu dituzte irudiz. Ohiko suhartasunez eta Zarauzko Balearen doinuan kantatu zizkion bertsoak Basarrik. Zapping atalean, ostera, Orioko balearen bertsoak emango dituzte. Egunotan bete dira eta 110 urte oriotarrek balentria egin zutela. Euskal Herri guztian hain ezaguna egin den bertso sorta Santos Orbegozori zor diogu. Orbegozo eta Unai Manterolak alderantzizko bideak egin dituzte. Orbegozo oriotarra zen, eta Zumaiako apaiza; Manterola zumaiarra, eta Orioko apaiza. Eta bi-biak bertsozaleak.

Terrorismo poetikoa, intxaur umelak eta hiri setiatua
Altzako Bertso Astea joan da. Une ahaztezinak utzita joan da gainera. Ekitaldi arrakastatsuenetakoa ?Erregea eta Bufoia banketean? izan da. Unai Elizasu gai jartzen zutela aritu ziren bertso-kantuan Jexux Mari Irazu eta bazterrak nahasten Ander Lipus. Altzatarrak elkartean bildutakoek ia ito arte egin zuten barre. Jasotako bideoen atalean emango dute hori. Bertsoa.com-ek utzita, berriz, Matienan izandako saioko bertsoaldia erakutsiko dute. Maite Berriozabalek hala aginduta Gregorio Larrañaga Mañukorta urtebete lehenago erositako intxaurrak itzultzera joango zaio azokan duen postura Jone Uriari. Gasteizen jokatutako bertso-tramako pasarte bat ere bistaratuko dute. Josu Goikoetxeak trantzean jarri zituen bertsolariak. Gaztelarren setioak erdi itoan duen Gasteiz hiribilduaren defentsan jarri zituen kantari Jon Maia, Maialen Lujanbio, Igor Elortza eta Unai Iturriaga.

Igandean, 21:00etan, ETB-1en. Eta aurretik ikusgai eitb.com-en.

Unai



Informazio gehiago:Eitb: Unai Manterola Orioko apaiza eta Ihintza Irizar, Hitzetik Hortzeran

3205 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin