Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Udaltzaingoak Andoaingo udaletxean sartzea galarazi die bizkartzainei


2011-06-20 15:06

PPko eta PSE-EEko bi zinegotzien bizkartzainek ezin izan dute udal-eraikinean sartu Ane Karrere Bilduko alkateak aurreko astean hala aginduta.

Andoaingo Udaltzaingoak udaletxean sartzea galarazi die PPren eta PSE-EEren bi zinegotzien bizkartzainei, Ane Karrere Bilduko alkateak aurreko astean hala agindu zuelako.

Auncion Guerra PPren zinegotziak azaldu duenez, 11:00etan joan da udaletxera ETAren atentatu guztiak gaitzesteko udaletxe guztietan aurkezten ari diren mozioa erregistratzera.

Udaletxeko atean udaltzain bat omen zegoen eta bizkartzaina identifikatu ondoren, udal-eraikinean sartzea galarazi dio. Joan den astean metal detektagailua eta eskanerra kendu zituzten.

Guerra, mozioa erregistratu ondoren, udaletxetik atera da eta udaltzainburuarengana joan da azalpen eske. Horrek esan dio alkatearen agindua bete besterik ez dutela egin, eta aginduak Udal idazkariaren idatzi juridikoaren bermea duela.

PPko eta PSE-EEko zinegotziak udaletxean sartzen saiatu dira gero eta atean bi udaltzainekin egin dute topo eta, berriro ere, ez diete barrura sartzen utzi.

Bizkartzainetako batek udaltzainei esan die bere lana zinegotzien segurtasuna bermatzea dela, hori horrela, zinegotziak udaletxera sartu diren momentuan, udaltzainak haiekin joan dira.

Bi zinegotziak idazkariarekin bildu dira alkateak emandako aginduaren argudio juridikoak irakurtzeko. Bertan, argi adierazten da alkateari dagokiola leku publikoetan segurtasuna bermatzeko erabaki egokiak hartzea.

Idazkariak txosten horretan azaldu duenez, alkatearena da ardura bakarra bizkartzainek sartzerik ez duten udal eraikinetan arazorik sortzen bada.



Informazio gehiago:Eitb: Udaltzaingoak Andoaingo udaletxean sartzea galarazi die bizkartzainei

133 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin