Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Udalbiltzako auzipetuek amesgaiztoa amaitu dela diote


2011-04-06 11:58

Dagoeneko irmoa da urtarrilaren 20an Udalbiltzako 22 kide absolbitu zituen sententzia, akusazioek ez baitute errekurtsorik jarri. Auzipetuek poza azaldu dute erabakiagatik.

Atzotik irmoa da urtarrilaren 20an Udalbiltzaren aurkako auzian auzipetutako 22 lagunak absolbitu zituen sententzia, akusazioek, Dignidad y Justicia eta Fiskaltzak, ez baitute helegiterik aurkeztu Auzitegi Gorenean.


Komunikatu batean, legez kanpoko Udalbiltzaren ordezkariak pozik agertu dira Auzitegi Nazionalaren epaiagatik eta zortzi urteren ondoren amesgaiztoa amaitu dela diote.

Azpimarratu dute orain ametsak gauzatzeko ordua dela eta eskerrak eman dituzte hainbat lagunek egin duten ahalegin solidarioagatik; horrek egin du posible absoluzioa eta auzipetuen eta Udalbiltzaren askatasuna.

Gaineratu dute, eskubide zibil eta politikoen defentsan lanean ari den aniztasun handiko jende askok bat egin duela, askatasunez elkartzeko eskubidearen defentsan, sufragio pasibo unibertsala eta herri guztiek instituzio publiko eta demokratiko propioak izateko duten eskubideak aldarrikatuz.

Urtarrilaren 20an, absoluzioa
Udalbiltzako 22 auzipetuak absolbitzen zituen epaia urtarrilaren 20an egin zuen publiko Auzitegi Nazionalak; fiskalak ETAko kide izatea egotzita, 10 urteko kartzela zigorrak eskatzen zituen eurentzat.

Sententziak zioen Udalbiltza proiektu nazionalista dela baina ez terrorista. Argitaratu bezain laster, Auzitegi Nazionalak iragarri zuen ez zuela helegiterik jarriko argi gelditzen zelako ez dagoela frogarik Udalbiltza ETArekin lotzeko.

Fiskaltzak orduan esandakoaren arabera, ideologia mailako jarrera batzuk zigorretatik kanpo daude, horiek arlo terroristara bideratuta daudela frogatzea zaila egiten baita.

Sententzia argudiatzeko gaineratzen zen, estatu demokratiko batean arlo penaletik kanpo gelditzen direla ekintza politikoa eta iritzi eta manifestazio ideologikoak, horiek gustatu edo ez, gehiengoa edo gutxiengoa izan, eta nahiz eta gehiengoa higuindu, atentatu terroristak ez kondenatzerakoan gertatzen den moduan.




Informazio gehiago:Eitb: Udalbiltzako auzipetuek amesgaiztoa amaitu dela diote

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin