Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Uda giroa gaur, 30°Crainoko tenperaturekin


2011-04-06 09:08

Hego-haizea indartu egingo denez, tenperatura maximoak igo egingo dira gaur. Ostiralera arte behintzat antzeko eguraldia espero da.

Gaur uda giroa hartuko du eguraldiak. Hego-haizea indartu egingo da eta horregatik tenperatura maximoak are altuagoak izango dira Euskalmet, euskal meteorologia agentziaren arabera. Kostaldean gertatuko da maximoen gorakada handiena, oraingoan brisa ez baita altxatuko. Kantauri isurialde osoan 30 °C inguruko maximoak eta barnealdean gradu pare bat freskoagoak izango dira. Zerua urdin egongo da eta giro lasaia eta atsegina edukiko dugu.

Datozen egunak

Ostegunean ez da aldaketa handirik egongo. Oso eguraldi ona espero da; ekialdean hodeiak ager daitezke, baina giroa eguzkitsua izango da nonahi eta bero puntuarekin jarraituko dugu. Hegoaldeko haizea ahulago ibiliko da eta arratsaldean kosta-partean itsasoko brisa gailenduko da, beraz, kostaldeko giroa ez da hain sargoria izango. Tenperatura minimoak epel samarrak izango dira.

Ildo beretik jarraituko du ostiralean. Hego-ekialdeko haizea ibiliko da, ahul, eta arratsaldean tarteka brisak joko du. Zeruan ez da hodei asko ikusiko, baina goizean goiz lanbro apur bat sor daiteke. Eguraldi eguzkitsua eta eguneko beroenak 25 °C-tik gora kokatuko dira.




Informazio gehiago:Eitb: Uda giroa gaur, 30°Crainoko tenperaturekin

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin