Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Txillardegiren omenaldia abertzaleen batasun ispilu izatea nahi dute


2012-01-24 14:49

Abertzaleen batasuna eta elkarlana zen Txillardegiren ametsa eta azken urte hauetan pauso handiak eman dira norabide horretan, antolatzaileen arabera.

Igande honetan egingo diote omenaldia Donostian Jose Luis Albarez Enparantza Txillardegi idazle, euskaltzain eta ETAren sortzaileetako bati, eta ezker abertzaleak omenaldia abertzaleen batasunaren ispilu izatea eskatu du.

Abertzaleen batasuna eta elkarlana zen Txillardegiren ametsa eta azken urte hauetan pauso handiak eman dira norabide horretan, antolatzaileen arabera. Hori horrela, herritar abertzale guztiei Txillardegiri merezi duen agurra egitea eskatu die.

Maribi Ugarteburu bozeramaileak aurkeztu du Victoria Eugenian, 11:30etik aurrera, egingo den omenaldia. Ekitaldiaren leloa Agur eta ohore. Euskara, herriaren ondare izango da eta kultura eta politika munduko jendearen parte-hartzeaz gain, bideo emanaldiak egongo dira eta Anje Duhalde, Erramun Martikorena, Oreka TX eta Eñaut Elorrietak kontzertuak eskainiko dituzte.

Ugarteburuk azpimarratu du abertzale handi bat omenduko dutela, eta alor askotan ondare aberats eta anitza utzi duela. Matematikaria, filosofoa, politikaria, poeta, euskaltzaina, mistikoa, idazlea? Txillardegi asko topa ditzakegu bidean, antolatzailearen esanetan.

Hala ere, borrokarako fronte nagusiak euskara eta aberria izan zituela eta aberriaren oinarria hizkuntzan zegoela esan zuen lehenengoa izan zela adierazi du, eta horrek belaunaldi askoren sinbolo bihurtu zuela.



Informazio gehiago:Eitb: Txillardegiren omenaldia abertzaleen batasun ispilu izatea nahi dute

87 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin