Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Txapote epaituko dute gaur Buesaren hilketa agintzea leporatuta


2011-10-20 09:12

Fiskaltzak 105 urteko kartzela-zigorra eskatuko du ETAko buruzagi militar ohiaren kontra 2000. urtean PSE-EEren bozeramailearen aurka egindako atentatuagatik.Auzitegi Nazionaleko Fiskaltzak 105 urteko kartzela-zigorra eskatuko du gaur Francisco Javier Garcia Gaztelu, Txapote, ETAko buruzagi militar ohiaren kontra Fernando Buesa PSEren Legebiltzarreko bozeramailearen eta haren bizkartzainaren hilketak agintzea leporatuta.

Daniel Campos fiskalaren idatzian azaltzen denez, ETAko buruzagi ohiari bi hilketa terrorista, zauriak eragitea, kalteak egitea eta helburu terroristekin dokumentu ofizialak faltsutzea leporatuko diote, eta 300.506na euroko kalte-ordaina eskatzen du Buesaren seme-alabentzat eta Jorge Diez bizkartzainaren seme-alabentzat.

Ministerio Publikoaren ordezkariaren arabera, komandoen buru zen heinean, Txapote Ituren taldeko kideekin bildu zen eta Buesa hiltzeko agindu zien.

Hori horrela, ETAko kideak hiru aldiz saiatu omen ziren Buesa hiltzen, baina ezin izan zuten hainbat arrazoi medio. 2000. urteko otsailaren 22an, Buesa PSE-EEren egoitzara zihoala, Arabako EHUren kanpusean, ETAko kideek auto bat aparkatu zuten gero jarriko zuten furgonetarentzat tokia gordetzeko.

Fiskalak testuan jarraitzen duenez, 14:00ak aldera jarri zuten lehergailua zuen furgoneta aparkatuta eta 16:30ean, Buesa eta bere bizkartzaina ondotik pasa zirenean, lehergailua eztandarazi zuten eta bi lagunak hil zituzten, beste bi zauritu eta 77.210 euroko kalteak eragin zituzten.

ETAk bere gain hartu zuen erasoa martxoaren 8an Gara eta El Mundo egunkarietara bidalitako agirietan.



Informazio gehiago:Eitb: Txapote epaituko dute gaur Buesaren hilketa agintzea leporatuta

39 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin