Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Txapeldunen Liga: Ez da espekulatzeko garaia


2011-11-21 18:31

Bartzelonak lidergoa sendotu nahi du Milanen kontra. Valentziak, aldiz, borrokatu egin beharko du, aurrera egiteko. Milan-Bartzelona asteazken honetan jarraitu ahal izango da, ETB-1en eta eitb.com-en.

Asteazken honetan, Txapeldunen Ligako bosgarren jardunaldiaren bigarren zatia jokatuko dute E, F, G eta H multzoko taldeek. Milan-Bartzelona eta Valentzia-Genk partidak izango dira, besteak beste.

Milan-Bartzelona. 20:45, Giuseppe Meazza

Bartzelonako taldeak final zortzirenetarako bidea sendotu nahi du asteazken honetan, Milanen kontra. Bartzelona liderra da hamar punturekin eta Milan, berriz, bigarren postuan dago, zortzirekin. Guardiolak ez du Iniesta zelairatzeko modurik izango. Asteazkenean, zuzenean, 20:45ean ETB-1en eta eitb.com-en.

Valentzia-Genk. 20:45, Mestalla

Valentziak ezin du gehiago itxaron final zortzirenetatik gertuago utziko duen garaipena lortzeko. Hirugarren postuan dago Bayern Leverkusenetik puntu batera eta liderretik, Chelseatik, hiru puntura. Beraz, hiru puntuak lortzea ezinbestekoa da, lehiaketa lehenago utzi nahi ez badu.

Bayern Leverkusen-Chelsea. 20:45, Bay Arena

Chelseak lidergoa sendotu nahi du Bayern Leverkusenen, taldeko bigarrenaren, aurka. Ingalaterrako taldea Premier Leaguen Liverpoolen kontra jasotako jipoia ahazten saiatuko da partida honetan.

Arsenal-Borussia Dortmund. 20:45, Emirates Stadium

F multzoko liderra, Arsenal, final zortzirenetarako sailkapena lortzeko arituko da Borussiaren aurka, hiru puntuak lortuta zuzenean egingo baitu aurrera.

O. Marseilla-Olinpiakos. 20:45, Stade Vélodrome

Olinpiakos Txapeldunen Ligan bizirik irauteko borrokatuko da. Greziako taldea azkenengo postuan dago, hiru punturekin. Marseillak, berriz, sailkapena lor lezake, irabaziz gero.

Zenit-Apoel. 18:00, Petrovsky zelaia

Zenit eta Apoel, G multzoko lehenengoa eta bigarrena, hurrenez hurren, beren artean arituko dira lehenengo postua lortzeko. Bi taldeek garaipena nahi dute, Porto hurbil dagoelako.

Shakhtar Donetsk-Porto. 20:45, Donbass Arena

Portok final zortzirenetako ametsari eutsi nahi dio asteazken honetan, eta, horretarako, garaipena lortu nahi du Shakhtarren kontra, sailkapeneko goiko postuetara heltzeko.

Bate Borisov-Victoria Pilsen. 20:45, Horodskiy Stadium

Bi taldeek ez dute final zortzirenetara joateko aukerarik, baina asteazken honetako partida ezinbestekoa izango da UEFA Europa Leaguerako sarbidea lortzeko. Bate hirugarren postuan dago, bi punturekin, Victoria, berriz, azken postuan dago, puntu bakarrarekin.

Bartzelonako



Informazio gehiago:Eitb: Txapeldunen Liga: Ez da espekulatzeko garaia

45 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin