Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Trenak ez dira egokiak mugikortasun arazoak dituzten lagunentzat


2011-03-15 12:29

Arartekoaren EAEko garraio sistema publikoak duen irisgarritasunari buruzko diagnostikoa txostenak dioenez, metroa eta Bilboko eta Gasteizko tranbiak, ordea, erreferente dira alor honetan.

Euskadiko trenbideak ez daude prestatuak mugikortasun arazoak dituzten lagunentzat eta irisgarritasuna bermatzen duten garraio sistema publikoen artean, azken postuan daude, EAEko garraio sistema publikoak duen irisgarritasunari buruzko diagnostikoa izenburuko txostenaren arabera. Arartekoak egin du txostena eta gaur bertan, asteartean, eman dio Arantza Quiroga Eusko Legebiltzarreko presidenteari.

Trenen erabilera ia ezinezkoa da mugikortasun arazoak dituzten pertsonentzako. Kasuen % 78an azpiegituren oinezkoentzako pasabidea da oztopoa eta kasuen %83an, kaletik geltokiaren nasarainoko sarrera bermatzen ez dute, Arartekoak azaldu duenez.

Metro Bilbao eta Bilboko eta Gasteizko tranbiak, berriz, irisgarritasunaren arloan erreferentetzat hartu ditu txosten honek, garraio hauek hesirik gabeko sarrera bermatzen baitute. Hala ere, hobetzeko zonaldeak oraindik badaudela onartu du.

Orokorrean, Metro Bilbaok puntuazio ona lortu du. Euskal aireportuek, ordea, azpiegituretatik mugitzeko hesirik oraindik daudela ohartarazi du txostenak, zentzumen-urritasunen bat duten lagunentzat bereziki arazotsua izan litekeena.

Iñigo Lamarca Arartekoak azaldu duenez, euskal herritarren % 37k mugikortasun arazoak dituzte, 65 urtetik gorako pertsonak eta emakume haurdunak barne.

Arartekoak



Informazio gehiago:Eitb: Trenak ez dira egokiak mugikortasun arazoak dituzten lagunentzat

140 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin