Rock Star Live aretoan izango da kontzertua maiatzaren 5ean eta The Album After Last One lan berriko kantuak aurkeztuko dituzte bertan.
The Toy Dolls taldea Euskal Herrira dator. Talde britainiarra biran ibiliko da 2012an eta hainbat eta hainbat areto astinduko dituzte euren musikaz. Kontzertuetako bat Barakaldon izango da, Rock Star Live aretoan, maiatzaren 5ean. Kontzertu horretarako sarrerak salgai daude jada 20 euroren truke (+ gastuak) Kulturalive sarean. Txarteldegian 25 euroko salneurria izango dute.
30 urteko ibilbidea osatuta dauka jada punk talde britainiar ezagunak eta 2012an oraindik zer esana baduela erakutsiko dute. Disko berria kaleratuko dute martxoan,The Album After Last One eta lan berriari lotuta egingo duten aurkezpen biran, The Toy Dolls taldearen ikukizunak dibertigarria, bikaina, melodikoa eta azkarra izaten jarraitzen duela berretsiko dute.
