Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Telefono mugikorren inguruko mitoak ezeztatzen


2012-01-17 11:03

Hegazkinen talkekin, gasolindegietako suteekin, minbiziarekin edo mugikorren bateriarekin lotutako hainbat mito ezeztatu dituzte.

Nokiak zortzi mito ezagun ezeztatu nahi izan ditu eta horretarako,konpainiaren hainbat ondorio helarazi die bezeroei.

Lehen sasi-mitoa gasolindegietan mugikorrek suteak eragin ditzazketela da. Nokiak bere blogean argitaratu duenez, ez da inoiz gertatu eta tesia berresteko, Petrolioaren Institutu Amerikarraren bozeramailearen hitzak aipatzen dituzte: Gizateriaren hasieratik, ez dugu inoiz horrelako sute batean mugikorrik aurkitu.

Bigarren mitoa, mugikorren teknologia bere eboluzioaren gehiengora iritsi dela da. Konpainiak gezurra dela esan du eta garatzen jarraituko dutela berretsi dute.

Hirugarrena, mugikorren erabilerak hegazkinen arteko talkak eragiten dituela da. Hori nekez gertatuko da, diote konpainitik.

Kontuzko beste gai bat; mugikorren erradiazioak minbizia eragin dezake. Konpainiak argitu duenez mugikorrak seguruak dira, X izpiek erabiltzen dituzten erradiazio mota ezberdin bat erabiltzen dutelako, zehazki, erradiazio ionizatzailea. Hala ere Nokiak onartu du oraindik ezin da ziurtatu, baina horrelakorik ez da inoiz frogatu, gaineratu du.

Beste mito bat, mugikorrekin ibilgailu bat ireki daitekeela da. Askok esan dute ibilgailuaren ondoan dagoen beste gailu batekin kontaktuan dagoen mugikor bati urrutiko kontrola zuzenduz gero, ibilgailua ireki daitekeela.

Bateriaren inguruko mitoak

Nokiak ezeztatu dituen hurrengo mitoak bateriarekin lotuta daude.

Lehena, mugikorra egunero kargatuz gero bateria gutxitzen dela. Mito hau oso ezaguna da, baina Nokiak argitu duenez, mugikorren historiaren hasieran gertatzen zen, baina dagoeneko horrelako arazoak konpondu dira, are gehiago smartphonetan.

Bigarren mitoa, kode ezkutu batekin bateria luzatu daitekeela da. Konpainiak erabat ezeztatu du horrelakorik egin daitekeenik.

Azkenik, sektorean Nokiaren eragina txikia izan omen dela da. Nokiak txantxa egin du honekin eta sektorean izan duen garrantzia nabarmentzen den esteka jarri du.

Telefono



Informazio gehiago:Eitb: Telefono mugikorren inguruko mitoak ezeztatzen

61 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin