Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Tea Partyk porrot egiteko zorian utzi ditu AEBak


2011-07-29 09:10

Ultrakontserbadoreek errepublikanoen planaren bozketa blokeatu du porrota ekiditeko. Klase politikoan akordiorik ez badago, AEBak ordainketak egiteko dirurik gabe geldituko da abuztuaren 2tik aurrera.

Nahasmen politikoak aurrera jarraitu du gaur gauean Washingtonen; izan ere, errepublikanoek Ordezkarien Ganberan gastu muga igotzearen alde bozkatzeko asmoa zuten arren, atzera egin dute. Neurri horrek AEBak ordainketak egiteko dirurik gabe gelditzea eragingo du.

Alderdiak berak porrot egin duela onartu dute errepublikanoek. John Boehner errepublikanoen buruak berak geldiarazi du bere planaren bozketa azken momentuan; izan ere, Tea Party-ko kontserbatzaileen oposizioagatik beharrezkoak zituen 217 botoak ez lortzeko aukera zuen.

Ganberan 240 errepublikano daude eta horietatik hogeita hamar inguru Boehnerren plana leunegia dela esan duen Tea Party-ren alde daude.

Diseinu errepublikanoak datorren hamarkadan AEBen defizita ia bilioi bat dolarretan txikitzea planteatzen du eta, hasiera batean, alderdi kontserbatzailearen indar politikoaren erakusle izan zen.

Senatua demokratek kontrolatzen dute eta bertan egin beharko litzateke bozketa plana Ordezkarien Ganberan aurrera aterako balitz, baina Senatuak berak adierazi zuen proposamen errepublikanoa onartuko ez zuela.

Harry Reid Senatuko gehiengo demokrataren buruak beste plan bat aurkeztu du eta datorren hamarkadan defizita 2,2 bilioi euro txikitzea proposatu du. Horrez gain, gastu muga 2013ra arte igotzea ahalbidetuko luke. Hala ere, ez dakite ekimena noiz bozkatuko litzateke.

Errepublikanoek aurrera eramateko asmoa duten plan horrek urte bukaerara arte baino ez zuen finantzazioa ematen eta 2012tik aurrera eztabaida berria eskatzen zuen. 2012an, gainera, hauteskunde presidentzialak izango dira AEBetan.

AEBak porrot egiteko zorian

Ordulariak aurrera egiten duen bitartean, beste egun bat galdu dugu. Orain da arazo hau konpondu eta defizita txikitu ahal izateko konpromisoa hartzeko garaia, adierazi du Dan Pfeiffer Etxe Zuriko komunikazio zuzendariak.

Errepublikanoen eta demokraten arteko jarrerek ez dute gerturatzea lortu, azken egunetan bi alderdiek hainbat bilera egin dituzten arren. Bilera horietako batzuk Obamak Etxe Zurian deitu zituen eta asmo oneko adierazpenak eragin zituzten arren, ez zen emaitza zehatzik lortu.




Informazio gehiago:Eitb: Tea Partyk porrot egiteko zorian utzi ditu AEBak

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin