Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Suminduek segurtasun, osasun eta higiene arazoak ukatu dituzte


2011-05-28 13:47

Barne Ministerioari Bartzelonakoaren pareko erabakiak ez hartzeko esan diote eta Felipe Puigen dimisioa eskatu dute. Bitartean Cataluña plaza patena baten pare utzi dute gaur suminduek.Soleko kanpalekuko Batzarrak ukatu egin du gunean segurtasun arazoak daudela. Udaleko garbiketa zerbitzuek plazan ez daudela osasun arazoak esan dutela gaineratu dute M-15 mugimendukoek web orriaren bitartez.

Sol inguruko trafikoa eteten edita inguruko komertzio txikia kaltetzen ari direla ukatu egin du aipatutako Batzordeak; baita kanpaldian higiene arazoak daudenik ere.

Udalak osasun egoera txarretan egoteagatik espediente bat irekiko ziela egindako mehatxuaren aurrean, M-15 mugimenduko kideek azaldu dute garbiketa zerbitzuetako kideek esan dutela ez dagoela inolako osasun eta higiene arazorik Sol plazan.

Hori dela eta, Granados kontseilariak plaza husteko egindako eskaera egiaztatu gabeko gertakizun batzuen gainekoa dela azaldu dute mugimenduko kideek eta gaineratu dute ez dagoela hori egitera bultza dezakeen arrazoi juridikorik.

Batzordeak, gainera, ironiaz esan du herritarren gehiengoak, batez ere bost milioi langabetuek eta egungo sistema sozioekonomikoaren biktima direnek bat egingo dutela Granadosen hitzekin, egoera gehiegi degeneratu dela dioenean.


Patena baten moduan

Suminduek Kataluña plaza patena bat bezain garbi utzi dutela azaldu du gaur garbiketa lanetan parte hartu duen gazte batek. Modu horretan, poliziak atzo plaza garbitzeko izandako jokabidea ez zela beharrezkoa salatu dute.

Garbiketa lanetan parte hartu duten gazteetako batzuek salatu dutenez, eurak plaza garbi uzteko nahikoa gai dira eta beraz, Mossoak plaza husteko garbiketaren aitzakia erabili zutela azaldu dute.

Eskobak, ura, lixiba eta xaboia hartuta, Kataluña plaza kanpaldia hasi aurretik baino garbiago utzi dutela azaldu dute M-15 mugimendutik.

Suminduek



Informazio gehiago:Eitb: Suminduek segurtasun, osasun eta higiene arazoak ukatu dituzte

59 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin