Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Subiranotasun zabalagoaren bidea hasi dutela iragarri du Masek Diadan


2011-09-11 15:41

Arratsaldeko manifestazioan, aurpegia estalita zuten batzuek Erregearen argazkia, Espainiako bi bandera eta Frantziako bat erre dituzte, manifestari batzuen txistuen artean.

Subiranotasun zabalagoaren aldeko trantsizio nazional kataluniarra martxan dagoela iragarri du Artur Mas Generalitateko presidenteak. Martxa hori espero baino azkarrago gertatzen ari da, presidentearen esanetan, Kataluniako hizkuntzak eta autogobernuak jasotzen ari den erasoek bultzatuta, izan ere, jende gehiago tesi katalanisten alde egotea ekarri dute.

Mas irailaren 11ko Diadaren ospakizunetan izan da. Ekitaldiaren ostean adierazitakoaren arabera, nazionalisten aldekoak gero eta gehiago dira, batez ere epaitegiek irakaskuntza sistemaren kontra egindako mehatxua, PSOEk eta PPk katalanen gehiengoa kontuan izan barik konstituzioa erreformatzeko egindako hitzarmena eta bestelako gertaerei esker.

5.000 pertsonatik gora izan dira Generalitatak Bartzelonako Ciutadella Parkean antolatutako ekitaldian.

Marius Serra idazleak irakaskuntza sistema izan du hizketagai Diadan emandako hitzaldian, nahiz eta Kataluniako Auzitegi Gorenak oraindik gaztelaniaren aldeko epairik eman ez.

Egun daukagun irakaskuntza eredua inoiz baino gehiago behar dugu etorkizunari begira, esan du Serrak. Hitzaldia anagrama bat erabiliz bukatu du, catalá hitza alderantziz esanez: catalá, a latac (Katalana, erasora).

Bildutakoek gehien txalotu duten momentua izan da. Era berean, Serrak bere hitzaldia eten egin behar izan du segundo batzuetan, jendeak Independencia! etengabe oihukatzen zuelako.


Espainiako bandera erre dute

Arratsalderako deitutako manifestazioan, aurpegia estalita zuten zenbait pertsonak Erregearen argazkia, Espainiako bi bandera eta Frantziako bat erre dituzte.

Manifestazioan izan diren 10.000 pertsonetako batzuek txistuta hartu dituzte ekintza horiek euren gaitzespena adierazteko.


Jon Abril: Ez dira hizkuntza eskubideak errespetatzen

Jon Abril Aralarreko koordinatzaileordea ere Diadan izan da eta Kataluniako gizartearen independentziaren aldeko borondatea nabarmena dela adierazi du. Horrekin batera, nazioen hizkuntza eskubideak errespetatzen ez direla berriro agerian geratu izana deitoratu du.


src=http://www.eitb.com/multimedia/images/2011/09/11/536193/536193_Diada_Mas_Montilla_efe_detalle_1.jpg/



Informazio gehiago:Eitb: Subiranotasun zabalagoaren bidea hasi dutela iragarri du Masek Diadan

134 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin