Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Strauss-Kahnen emazteak ez du salaketa segundo batean ere sinesten


2011-05-15 18:18

Komunikatu batean, senarraren errugabetasuna frogatuta geratuko dela zalantzarik ez duela esan du Anna Sinclairrek. Gainera, errespetuz eta diskrezioa erabiliz jokatzea eskatu du.

Salaketa segundo bakar batean ere ez duela sinesten adierazi du Dominique Strauss-Kahn Nazioarteko Diru Funtsako (NDF) zuzendariaren emazteak. Senarra ustezko delito sexualak egotzita atxilotu dute larunbatean New Yorken.

Anne Sinclairek, ogibidez kazetaria, komunikatu labur bat zabaldu du. Horren arabera, senarraren errugabetasuna frogatuta geratuko dela zalantzarik ez duela adierazi du eta errespetuz eta diskrezioa erabiliz aritzeko deia egin du.

Ez da Sinclairrek, sexu iskanbila bat dela eta, senarra jendaurrean defendatu duen lehen aldia. 2008an NDFko zuzendaria ikertu egin zuten langile batekin izandako harreman intimoetan botere-abusuaz baliatu zen ala ez erabakitzeko. Orduan errugabe zela erabaki zuten eta emazteak lehenengo egunean bezain maiteminduta zeudela adierazi zuen.

Strauss-Kahn, 62 urtekoa, John F. Kennedy aireportuan atxilotu zuten, Air Franceko hegazkin batean, Parisera joateko prest zegoela, hoteleko zerbitzari batek sexu-erasoa egin ziola salatu ostean.



Informazio gehiago:Eitb: Strauss-Kahnen emazteak ez du salaketa segundo batean ere sinesten

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin