Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sorturi buruz eztabaidatzen hasiko da gaur Gorena


2011-03-23 08:45

- 61eko sala berezia 10:00etan batzartuko da.

- Fiskaltzak adierazi du indarkeria errefusatzea ez dela nahikoa.

- Iñigo Iruin abokatuak nabarmendu du Sortu ez dela inoren estalkia.

Auzitegi Gorenaren 61eko sala berezia Sortu Barne Ministerioan erroldatzen utzi edo ez aztertzen hasiko da gaur goizean, azken egunetan Fiskaltzaren, Estatuko Abokatutzaren eta ezker abertzaleko alderdi berriaren defentsaren argudioak entzun eta gero. Erabakia, baina, hurrengo egunetan jakinaraziko dute.

Hain zuzen ere, 10:00etan batzartuko da Botere Judizialeko Lege Organikoaren 61. artikuluko sala.

Epaimahaiaren aurrean, Manuel Rivero Estatuaren abokatuak adierazi du Sortu ETAren enegarren ahalegina dela erakunde demokratikoetan sartzeko, eta sektore militarraren eta politikoaren artean lehia izan duten itxura baino ez dutela egin. Hori dela eta, Sortu erroldatzea debekatu egin behar dutela nabarmendu du.

Antonio Narvaez fiskalak ere Sortu hauteskundeetara aurkeztea galarazteko eskatu die epaileei. Galtzek ez dute gizona egiten, gaineratu du. Narvaezen hitzetan,itxuraz, alderdiak legea betetzen du, baina praktikan ez du onartzen, ez baitu lotura hautsi ETArekin.

Azkenik, Iñigo Iruin Sorturen abokatuak legeztatzea eskatu du, alderdiaren kargudunek bakearekin konpromisoa izango baitute, nahiz eta erakunde terroristak su-etena amaitu. Ez dago atzera bueltarik, azpimarratu du Iruinek, eta Sortu ez dela inoren estalkia erantsi du. Halaber, Sortu indarkeriaren behin betiko amaiera lortzeko baliabide eraginkorra dela adierazi du.

Sorturen



Informazio gehiago:Eitb: Sorturi buruz eztabaidatzen hasiko da gaur Gorena

71 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin