Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sorturen eta Bilduren urratsak ez gutxiestea eskatu du Jaureguik


2011-04-13 11:56

Presidentzia ministroak adierazi du ezker abertzalearen urratsak aurrekaririk gabekoak direla, baina dena amaitu dela ez pentsatzeko dei egin du.

Ramon Jauregui Espainiako Gobernuko Presidentzia ministroak ezker abertzalea Sorturen eta Bilduren bitartez ematen ari den pausoak ez gutxiestea eskatu du gaur. Izan ere, urratsok aurrekaririk gabekoak direla iritzi dio.

Dena dela, TVEn egindako elkarrizketa batean, dena amaitu dela pentsatzeko tentaldian ez erortzeko dei egin du, ETA ez baita desagertu oraindik.

Jaureguik gogorarazi duenez, Gobernuak uste du ezker abertzaleak ez duela oraindik haustura frogagarria eta atzeraezina egin indarkeriarekin, eta beraz, inpugnazioak jarriko dituztela hauteskundeetara aurkeztuko dituzten balizko zerrenden aurka.

Ministroak aitortu du ez diola harritu astearte honetan Legorretan atxilotutako ETAko ustezko kideek ia 1.000 kilo lehergai izatea, erakunde terrorista ez baita desagertu.

Nolanahi ere, ezker abertzalearen garapenari dagokionez, Jaureguik azpimarratu nahi izan du Gobernua ez dagoela beste leku batera begira, ETA menperatu eta gero adierazpen politiko horrek espazio politikoa izan beharko duelako.



Informazio gehiago:Eitb: Sorturen eta Bilduren urratsak ez gutxiestea eskatu du Jaureguik

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin